Էդվարդ Մկրտչի Ջրբաշյանը ծնվել է 1923թ. սեպտեմբերի 24-ին Երևանում ծառայողի ընտանիքում։ Մահացել է օգոստոսի 11-ին 1999 թ. Երևանում։
1931-1941 թթ. սովորել է Ա. Ս. Բուրնովի անվան դպրոցում)։
1941-1942 թթ. 26-րդ ավիադպրոցի կուրսանտ (ք. Թբիլիսի)։
1942 թ. Բաքվի հետևակային ուսումնարանի կուրսանտ, - Հրամկազմի կատարելագործման կուրսերի ունկնդիր (Թբիլիսի)։
1943-1944 թթ. թվականներին լեյտենանտի կոչումով ծառայել է Կարմիր բանակում, որպես ջոկատի և մարտկոցի հրամանատար(գործող բանակում) 10-րդ հրետանային դիվիզիայի 157-րդ ականանետային գնդում։
1944 թ. պարգևատրվել է «Կարմիր աստղ» շքանշանով։
1945-1950 թթ. Երևանի պետական համալսարանի բանասիրական ֆակոիլտետի հայկական բաժնի ուսանող։
1946 թ. ընտրվել է ՍՄԿԿ անդամ։
1950-1953 թթ. ԵՊՀ-ի բանասիրական ֆակույտետի ասպիրանտ «Գրականության տեսություն» մասնագիտությամբ։
1953-1954 թթ. «Գրական թերթ»-ի գլխավոր խմբագրի տեղակալ։
1953-1962 թթ. «Գրական թերթ»-ի խմբագրական կոլեգիայի անդամ։
1953-1972 թթ. ԵՊՀ-ի հայ գրականության ամբիոնի ավագ դասախոս, այնուհետև դոցենտ, պրոֆեսոր։
1954 թ. շնորհվել է բանասիրական գիտությունների թեկածուի գիտկան աստիճան։
1955-1957 թթ. Հայաստանի ԿԿ Կիրովյան շրջկոմի պլենումի անդամ։
1956 թ. ընտրվել է ԽՍՀՄ գրողների միության անդամ։
1961 թ. արժանացել է «Աշխատանքային գերազանցության համար» մեդալի։
1961-1962 թթ. «Սովետական գրականություն» ամսագրի գլխավոր խմբագիր։
1961-1992 թթ. «Սովետական գրականություն» (հետագայում՝ «Նորք») ամսագրի խմբագրական կոլեգիայի անդամ։
1962 թ. Հայկական ՍՍՀ Գերագույն խորհրդի պատգամավոր։
1965 թ. շնորհվել է բանասիրական գիտությունների դոկտորի գիտկան աստիճան։
1966-1970 թթ. ՀՍՍՀ ԳԱ Մ.Աբեղյանի անվան գրականության ինստիտուտի նորաստեղծ գրականության տեսության բաժնի վարիչ։
1967 թ. շնորհվել է պրոֆեսորի գիտական կոչում։
- Հիմնադրել է «Բանբեր Երևանի համալսարանի»(հաս. գիտ-ներ) հանդեսը և միչև 1977 թ.՝ եղել է գլխավոր խմբագիր ։
1970 թ. պարգևատրվել է «Քաջարի աշխատանքի համար» մեդալով՝ ի նշանավորումն Վ.Ի.Լենինի ծննդյան 100-ամյակի,
– Արժանացել է Հայկական ՍՍՀ գիտության վաստակավոր գործչի կոչման։
1971 թ. ընտրվել է Հայաստանի գրողների միության նախագահության անդամ։
1972-1986 թթ. Երևանի համալսարանի գրականության տեսության և գեղագիտության, ապա՝ արտասահմանյան գրականության և գրականության տեսության ամբիոնների վարիչ։
1974 թ. ընտրվել է ՀԽՍՀ ԳԱ թղթակից անդամ։
1974, 1981 թթ. Հայկական ԽՍՀ պետական մրցանակների դափնեկիր։
1974-1988 թթ. Գիտական գործուղում ԳԴՌ, Հունգարիա, Ավստրիա, Ֆրանսիա, Շվեյցարիա։
1977-1999 թթ. Հայկական ՍՍՀ ԳԱ Մ. Աբեղյանի անվան գրականության ինստիտուտի տնօրեն։
1977-1999 թթ. ՀՀ ԳԱԱ փիլիսոփայության և բանասիրության բաժանմունքի ակադեմիկոս-քարտուղարի տեղակալ(համատեղ)։
1978 թ. ՀԿԿ Երևանի Սպանդարյանի շրջկոմի բյուրոյի անդամ։
1981 թ. ընտրվել է ՀԽՍՀ ԳԱ իսկական անդամ «Գրականություն և գրականագիտություն» մասնագիտության գծով։
1983 թ. պարգևատրվել է «Կարմիր դրոշի շքանշանով»։
1985 թ. պարգևատրվել է Հայրենական պատերազմի առաջին աստիճանի շքանշանով։
1987–1999 թթ. Մ. Աբեղյանի անվան գրականության ինստիտուտում Հովհ. Թումանյանի կյանքի ու ստեղծագործության ուսումնասիրության և հրատարակությունների գիտահետազոտական խմբի ղեկավար (համատեղ)։
1994–1999 թթ. ՀՀ ԳԱԱ նախագահության անդամ (համատեղ)։