Ռաֆայել Պարույրի Ստամբոլցյանը ծնվել է 1922 թ. հուլիսի 22-ին Երևանում: Վախճանվել է 2012 թ. հուլիսի 8–ին Երևանում։
1940 թ. ավարտել է Երևանի Ստ. Շահումյանի անվան միջնակարգ դպրոցը:
- Ընդունվել է Երևանի Մխիթար Հերացու անվան բժշկական ինստիտուտը:
1946 թ. ավարտել է բժշկական ինստիտուտը:
1946-1949 թթ. աշխատանքի է նշանակվել Երևանի հանրապետական հիվանդանոցում` որպես հոսպիտալ թերապիայի ամբիոնի կլինիկական օրդենատոր:
1948 թ. գործուղվել է Մոսկվայի Բոտկինի անվան կլինիկա, որտեղ Մ.Ս. Վովսիի ղեկավարությամբ մասնագիտացել է կլինիկական էլեկտրասրտագրության գծով:
1948 թ. Երևանի հանրապետական հիվանդանոցում հիմնադրել է Հայաստանում առաջին էլեկտրասրտագրական լաբորատորիան` պատրաստելով այդ բնագավառի որակյալ մասնագետներ:
1952 թ. ստացել է բժշկական գիտությունների թեկնածուի գիտական աստիճան:
1957 թ. լույս է տեսել «Օգնություն էլեկտրասրտագրություն ուսումնասիրողներին» առաջին հայերեն դասագիրքը:
1962 թ. «Պսակային անբավարարության վաղ ախտորոշման և բուժման որոշ հարցեր» թեմայով ատենախոսությունը պաշտպանելով` ստացել է բժշկական գիտությունների դոկտորի գիտական աստիճան:
1963թ. ընտրվել է Երևանի բժշկական ինստիտուտի մանկաբուժության, սանիտարական և ստոմատոլոգիական ֆակուլտետների ներքին հիվանդությունների պրոպեդևտիկայի ամբիոնի հիմնադիր վարիչ:
1964 թ. արժանացել է պրոֆեսորի կոչման:
1966-1968 թթ. եղել է Երևանի բժշկական ինստիտուտի ռեկտորը:
1967 թ. շնորհվել է ՀՍՍՀ Գիտության վաստակավոր գործչի պատվավոր կոչում:
1972 թ. ընտրվել է Երևանի բժշկական ինստիտուտի ներքին հիվանդությունների թիվ 2 ամբիոնի վարիչ:
1978 թ. հրատարակվել է «Կլինիկական էլեկտրասրտագրություն» հայերեն դասագիրքը, որի համար արժանացել է ՀԽՍՀ պետական մրցանակի /1981 թ./:
1987 թ. Երևանի բժշկական ինստիտուտի ներքին հիվանդությունների թիվ 2 ամբիոնի պրոֆեսոր:
- ՀԽՍՀ ԳԱ «Փորձարարական և կլինիկական բժշկություն» հանդեսի /ՀՍՍՀ ԳԱ/ գլխավոր խմբագիր:
1988 թ. իր ղեկավարած ամբիոնի աշխատակիցների հետ համատեղ մշակել է ինֆարկտային օջախի և հարինֆարկտային տեղամասերի սահմանի որոշման նոր մեթոդ, որը համարվել է գյուտ և պաշտպանվել է հեղինակային վկայականով:
1994 թ. ընտրվել է Հայաստանի Հանրապետության Գիտությունների ազգային ակադեմիայի ակադեմիկոս:
Ակադեմիկոս Ռ.Պ. Ստամբոլցյանը «Արարատ» միջազգային ակադեմիայի /Փարիզ/ իսկական անդամ է: Նա պարգևատրվել է «Պատվո նշան», Հայրենական մեծ պատերազմի 2-րդ աստիճանի շքանշաններով, Մխիթար Հերացու, Բոտկինի անվան և այլ մեդալներով /թվով` 7/: