Անվանի մանկավարժ, լեզվաբան-գիտնական, ակադեմիկոս Սերգեյ Գյանջումի Աբրահամյանը ծնվել է 1925 թ. փետրվարի 14-ին Հադրութի շրջանի Տումի գյուղում (ԼՂՀ), գյուղացու ընտանիքում։ Վախճանվել է 2005 թ. մարտի 30-ին, Երևանում։
1932 - 1942 թթ. ընդունվել և ավարտել է տեղի միջնակարգ դպրոցը։
1942 թ. ծառայել է Բաքվի զինվորական (սնայպերական) դպրոցում։
1943 թ. հունիսից մասնակցել է Հայրենական Մեծ պատերազմի մարտերին (2-րդ բելոռուսական ռազմաճակատում)։
1944 թ. մայիսին զորացրվել է որպես 2-րդ կարգի հաշմանդամ։
1945 – 1950 թթ. ընդունվել և գերազանցությամբ ավարտել է Երևանի պետական համալսարանի հայկական բանասիրական ֆակուլտետը։
1950 թ. ընդունվել է Երևանի պետական համալսարանի ասպիրանտուրան ժամանակակից հայոց լեզվի գծով
− ԽՄԿԿ անդամ է եղել մինչև Սումգայիթի ջարդերը(1988 թ.)։
1953 թ. շնորհվել է բանասիրական գիտությունների թեկնածուի գիտական աստիճան
− եղել է ավագ դասախոս (համատեղ. կարգով) Մ. Նալբանդյանի անվ. մանկավարժական ինտ- ում (Լենինական)։
1953 թ.-ից աշխատել է Հայաստանի ԳԱԱ Հ.Աճառյանի անվան լեզվի ինստիտուտում, նախ՝ որպես ավագ գիտաշխատողի պաշտոնակատար, ապա՝ ավագ գիտաշխատող։
1959-1992 թթ. վարել է նույն ինստիտուտի ժամանակակից հայոց լեզվի բաժինը։
1956 թ. շնորհվել է դոցենտի կոչում։
1962 թ.− ից եղել է Հայաստանի Մինիստրների խորհրդին առընթեր տերմինաբանական կոմիտեի, և 1992 թ.-ից ՀՀ կառավարությանն առընթեր Լեզվի պետական տեսչության հայերենի բարձրագույն խորհրդի անդամ։
1966 թ. շնորհվել է բանասիրական գիտությունների դոկտորի գիտական աստիճան։
1967-1970 թթ. համատեղությամբ աշխատել է ՀՍՍՀ Լուսավորության նախարարության ՄԳԳ ինստիտուտում որպես հայոց լեզվի և գրականության մեթոդիկայի բաժնի վարիչ։
1970 թ. շնորհվել է պրոֆեսորի կոչում։
1970-1971 թթ. Կիրովականի մանկավարժական ինստիտուտի հայոց լեզվի ամբիոնի պրոֆեսոր (համատեղ. կարգով)։
1972-1992 թթ. Խաչատուր Աբովյանի անվ. հայկական մանկավարժական ինստիտուտի պրոֆեսոր (համատեղ. կարգով)։
1985 թ. պարգևատրվել է Հայրենական պատերազմի I աստիճանի շքանշանով։
1986 թ. պարգևատրվել է Խ. Աբովյանի մեդալով։
1991-1993 թթ. ՀՀ Լուսավորության նախարարության ՄԳԳ ինստիտուտում աշխատել է որպես հանրակրթական միջնակարգ դպրոցի հայոց լեզվի նոր ծրագրեր ու դասագրքեր ստեղծող հեղինակային համախմբի գիտական ղեկավար։
1992թ. ՀՀ Գիտությունների ազգային ակադեմիայի Հրաչյա Աճառյանի անվան լեզվի ինստիտուտի խմբի ղեկավար:
1996 թ. ընտրվել է ՀՀ ԳԱԱ հումանիտար գիտությունների բաժանմունքի բանասիրության և արվեստագիտության պրոբլեմային գիտական խորհրդի նախագահ, բաժանմունքի ակադեմիկոս-քարտուղարի տեղակալ։
2001 թ. ԼՂՀ Հադրութի շրջանի Տումի գյուղի միջնակարգ դպրոցը կոչվել է դպրոցի նախկին սան՝ ակադեմիկոս Սերգեյ Գյանջումի Աբրահամյանի անունով։
