1940 թ. Նոյեմբերի 5-ին, Երևանում ծառայողի ընտանիքում ծնվել է Յուրի Հայկի Շուքուրյանը։
1958 թ. ավարտել է Չկալովի անվ. միջնակարգ դպրոցը ոսկե մեդալով։
1958-1963 թթ. ուսանել է Երևանի Կ.Մարքսի անվան պոլիտեխնիկական ինստիտուտում «մաթեմատիկական հաշվիչ գործիքներ և սարքեր» մասնագիտությամբ։
1961-1963 թթ. եղել է պոլիտեխնիկական ինստիտուտի գիտահետազոտական սեկտորի ЭТ-2 լաբորատորիայի լաբորանտ։
1962թ. ԽՍՀՄ սպորտի վարպետ (սուսերամարտ):
1963-1964թթ. պոլիտեխնիկական ինստիտուտի ավտոմատիկայի և հեռուստամեխանիկայի ամբիոնի ասիստենտ։
1964-1967 թթ. ԵՊՀ-ի հաշվողական մաթեմատիկայի ամբիոնի ասպիրանտ։
1967-1971 թթ. ՀՍԽՀ ԳԱ Հաշվողական կենտրոնի ավագ ինժեներ։ 1968 թ. պաշտպանել է թեկնածուական ատենախոսություն «մաթեմատիկական կիբեռնետիկա» թեմայով։
1971-1980 թթ. Ս.Ն. Մերգելյանի անվ. Երևանի մաթեմատիկական մեքենաների Գ/Հ ինստիտուտի բաժնի վարիչ։
1972 թ.-ից դասախոսական աշխատանք Երևանի պետական համալսարանում (ավագ դասախոս, դոցենտ, պրոֆեսոր)։
1973թ.- ից ՍՄԿԿ անդամ։
1975թ. ստացել է ավագ գիտաշխատողի կոչում, «տեխնիկական կիբեռնետիկա և տեղեկատվության տեսություն» մասնագիտության գծով։
1975թ.,1987թ. Գործուղում Լեհաստան։
1980-1986 թթ. Երևանի մաթեմատիկական մեքենաների Գ/Հ ին.-տի մաթեմատիկական բաժանմունքի վարիչ, մի շարք մշակումների գլխավոր կոնստրուկտորի տեղակալ մաթեմատիկական ապահովման գծով։
1982 թ. պաշտպանել է դոկտորական թեզ նվիրված՝ ԷՀՄ-ների արագագործ և հուսալի միկրոծրագրային կառուցվածքների ավտոմատացված նախագծման միջոցների համալիրի ստեղծմանը։
1983 թ. շնորհվել է տեխնիկական գիտությունների դոկտորի կոչում։
1983 թ. ԽՍՀՄ Գերագույն Խորհրդի նախագահության հրամանագրով պարգևատրվել է ԽՍՀՄ ԺՏՆՑ-ի «Պատվո նշան» շքանշանով։
1983 թ.-ից ԵՊՀ-ի ԷՀՄ մաթեմատիկական ապահովման, համակարգերի տեսության ամբիոնների պրոֆեսոր։
1986 թ. տեղափոխվել է աշխատանքի ՀԽՍՀ Գիտությունների ակադեմիա։
1988– 2006 թթ. ընտրվել է ՀՀ ԳԱԱ Ինֆորմատիկայի և ավտոմատացման պրոբլեմների ինստիտուտի տնօրեն։
1987 թ. գործուղվել Հունգարիա։
1990 թ. ընտրվել է ԳԱ թղթակից անդամ։
1994 թ. տեխնիկայի և տեղեկատվական խնդիրների գիտական խորհրդի նախագահ և ՀՀ ԳԱ նախագահության անդամ։
1995թ. ընտրվել է «Արարատ» միջազգային ակադեմիայի (Ֆրանսիա) թղթակից-անդամ:
1996 թ.-ից ՀՀ ԳԱԱ ակադեմիկոս։
2000 թ. պարգևատրվել է «Սբ. Մեսրոպ Մաշտոց» շքանշանով։
1995-2006 թթ. ընտրվել է ֆիզիկամաթեմատիկական և տեխնիկական գիտությունների բաժանմունքի ակադեմիկոս քարտուղար։
2006 թ. մ/օ ԻԱՊԻ տնօրենի խորհրդական։
2006 թ.-ից նշանակվել է ՀՀ ԳԱԱ փոխնախագահ։
2011 թ. արժանացել է գիտության ՀՀ վաստակավոր գործիչ կոչման:
2021թ. նշանակվել է ՀՀ ԳԱԱ նախագահության խորհրդական: