1932 թ. դեկտեմբերի 11-ին ծնվել է Արման Թագվորի Քուչուկյանը ք. Սոֆիայում (Բուլղարիա)։ Վախճանվել է 2020 թ. հոկտեմբերի 30-ին։
1951-1957թթ. Ուսանել է Երևանի պետական համալսարանի Ֆիզիկամաթեմատիկական ֆակուլտետում։
1957 թ.-ից Եղել է Երևանի մաթեմատիկական հաշվիչ մեքենաների գիտահետազոտական ինստիտուտի տեխնիկ, ինժեներ, ավագ ինժեներ, առաջատար ինժեներ, լաբորատորիայի վարիչ, գլխավոր ինժեների տեղակալ, բաժանմունքի վարիչ։
1967 թ. Մեկնել է Կանադա (գիտական տուրիզմ)։
1968 թ., 1970 թ. – Անգլիա- գիտական գործուղումներ։
1970 թ. Շնորհվել է Հոբելյանական մեդալ «Աշխատանքային արիության համար»՝ ի նշանավորումն Վ.Ի. Լենինի ծննդյան 100-ամյակի։
1971 թ. Պարգևատրվել է «Աշխատանքային Կարմիր դրոշի» շքանշանով։
1971-1977 թթ. Գործուղվել է ԲԺԴՀ, ԼԺՀ,ՉՍՀ, ՀՍՀ։
1972 թ. ՍՄԿԿ անդամ, ԵրՄՄԳՀԻ-ի Կուսկոմի անդամ։
1974 թ. Հայկական ՍՍՀ Պետական մրցանակ։
1976 թ. Հայկական ՍՍՀ Պետական մրցանակ,
–Գործուղվել է ԱՄՆ ։
1979 թ. Պարգևատրվել է «Վաստակի համար» շքանշանով Լեհաստանի ժողովրդական Հանրապետության կողմից։
1981 թ. – Արժանացել է Հայկական ՍՍՀ Գիտության և տեխնիկայի վաստակավոր գործիչ կոչման։
1983 թ. – Լենինյան մրցանակի։
1987 թ.-ից Եղել է Երևանի մաթեմատիկական հաշվիչ մեքենաների գիտահետազոտական ինստիտուտի տնօրենի տեղակալ-գլխավոր ինժեներ (գիտական գծով)։
1985-1989 թթ. Եղել է Երևանի 26 Կոմիսարների շրջանի շրջանային խորհրդի պատգամավոր։
1996 թ. Ընտրվել է ՀՀ ԳԱԱ ակադեմիկոս։