Կոնստանտին Գրիգորի Ղարագյոզյանը ծնվել է 1927 թ. սեպտեմբերի 29-ին Երևան քաղաքում, ծառայողի ընտանիքում։ Վախճանվել է 2013 թ. ապրիլին 28-ին Երևանում:
1945 թ. ավարտել է Ֆ. Ձերժինսկու անվան դպրոցը։
1950 թ. ավարտել է Երևանի պետական բժշկական ինստիտուտը։
1953 թ. ավարտել է նույն ինստիտուտի կենսաքիմիայի ամբիոնին կից ասպիրանտուրան։
1954 թ. պաշտպանել է թեզ «Արյան մակարդունակության պայմանա-ռեֆլեկտորային կարգավորումը» թեմայով, կենսաբանական գիտությունների թեկնածության հայցման համար,
–ընդունվել է ԳԱ Ֆիզիոլոգիայի ինստիտուտի կենսաքիմիայի լաբորատորիայում կրտսեր գիտաշխատող։
1954-1957 թթ. աշխատել է ՀԽՍՀ ԳԱ ֆիզիոլոգիայի ինստիտուտի կենսաքիմիայի բաժանմունքում:
1957-1960 թթ. եղել է ԳԱ կենսաքիմիայի բաժնի գիտքարտուղար և ստացել ավագ գիտաշխատողի կոչում։
1961-1965 թթ. նշանակվել է ԳԱ կենսաքիմիայի նոր կազմակերպված ինստիտուտի տնօրենի տեղակալ ՝գիտական գծով։
1962-1986 թթ. լիպիդների կենսաքիմիայի լաբորատորիայի վարիչ։
1965-1986 թթ. նշանակվել է ՀՍՍՀ ԳԱ Մոլեկուլյար կենսաբանության ինստիտուտի փոխտնօրեն։
1967 թ. գիտական գործուղմամբ մեկնել է Ճապոնիա։
1968 թ. պաշտպանել է թեզ «Գլխուղեղի ցերեբրոսպինալ հեղուկի, արյան և լյարդի ֆոսֆոլիպիդները օրգանիզմի տարբեր ֆունկցիոնալ վիճակների ժամանակ» թեմայով՝ կենսաբանական գիտ. դոկտորի աստիճանի հայցման համար։
1969 թ. գիտական գործուղմամբ մեկնել է Իսպանիա։
1971 թ. գիտական գործուղմամբ մեկնել է Կանադա, Բուլղարիա։
1970 թ. արժանացել է «Աշխատանքի արիության համար» մեդալի՝ ի նշանավորումն Վ.Ի. Լենինի ծննդյան 100-ամյակի։
- շնորհվել է պրոֆեսորի կոչում։
1974 թ. գիտական գործուղմամբ մեկնել է Իտալիա, ԳՖՀ։
1976 թ. գիտական գործուղմամբ մեկնել է ԳԴՀ։
1977 թ. գիտական գործուղմամբ մեկնել է Դանիա:
1978 թ. գիտական գործուղմամբ մեկնել է ԳԴՀ և Անգլիա։
1979 թ. գիտական գործուղմամբ մեկնել է Հունգարիա։
1980 թ. գիտական գործուղմամբ մեկնել է ԱՄՆ։
1981 թ. գիտական գործուղմամբ մեկնել է Հունաստան, Եգիպտոս, Կիպրոս, Թուրքիա, Բուլղարիա։
1982 թ. ընտրվել է Ռուսաստանի և ՀՀ ԳԱ առընթեր գործող «Նեյրոքիմիա» ամսագրի փոխխմբագիր։
1986 թ. ընտրվել է ՀԳԱ թղթակից-անդամ։
1986-2006 թթ. ՀՍՍՀ ԳԱ Փորձարարական կենսաբանության ինստիտուտի տնօրեն։
1990 թ. նեյրոքիմիկոսների եվրոպական, ամերիկյան եւ միջազգային ընկերության անդամ:
- Ուղեղի հետազոտման միջազգային կազմակերպության հայկական մասնաճյուղի (IBRO) անդամ:
1991 թ. ընտրվել է Տեսական օրգանական քիմիայի միջազգային ընկերության անդամ։
1991 թ. Երևանի բժշկական ինստիտուտի կենսաքիմիայի ամբիոնի վարիչ։
1991-1993 թթ. համաշխարհային, Եվրոպական և ԱՄՆ-ի նյարդաքիմիկոսների, ինչպես նաև համաշխարհային տեսական օրգանական քիմիայի ասոցիացիայի և ՈՒՎՌՕ-ի անդամ։
1994 թ. ընտրվել է ՀՀ ԳԱԱ ակադեմիկոս։
1995 թ. Նեյրոքիմիկոսների հայկական ընկերության պրեզիդենտ:
1999 թ. ընտրվել է Ռուսաստանի բնական գիտությունների ակադեմիայի անդամ:
2000 թ. Բնական գիտությունների եվրոպական ակադեմիայի անդամ:
2002 թ. Բնական գիտությունների եվրոպական ակադեմիայի հայկական մասնաճյուղի փոխպրեզիդենտ:
2003 թ. պարգևատրվել է «Անանիա Շիրակացի» շքանշանով։
2004 թ. ՀՀ ԳԱԱ Նախագահության անդամ:
2004 թ. ստացել է ՀՀ Ազգային ժողովի նախագահի շնորհակալագիր:
2006-2013թթ. ՀՀ ԳԱԱ Մոլեկուլյար կենսաբանության ինստիտուտի տնօրենի խորհրդական։
2007-2013 թթ. ՀՀ ԳԱԱ Օրգանական եւ դեղագործական քիմիայի գիտատեխնոլոգիական կենտրոնի լաբորատորիայի վարիչ:
2012 թ. ՀՀ Գիտության վաստակավոր գործիչ: