Հայ ականավոր պատմաբան Լենդրուշ Արշակի Խուրշուդյանը ծնվել է 1927 թ. մայիսի 1-ին, ՀԽՍՀ Գորիսի շրջանի Շինուհայր գյուղում: Վախճանվել է 1999 թ. հունիսի 7-ին:
1936 թ. - ընդունվել է Երևանի Ստ. Շահումյանի անվ. միջնակարգ դպրոց:
1943 թ. - ընդունվել է կոմերիտմիության շարքերը:
1946 թ. - ընդունվել է Երևանի պետական համալսարանի միջազգային հարաբերությունների ֆակուլտետ:
1950 թ. - համալրել է ԽՄԿԿ շարքերը, եղել է ԵՊՀ կուսակցական կոմիտեի անդամ:
1951 թ. - ավարտել է ԵՊՀ միջազգային հարաբերությունների ֆակուլտետը:
1951 թ. - ընդունվել է ասպիրանտուրա՝ ԽՄԿԿ պատմության գծով (ԵՊՀ մարքսիզմ – լենինիզմի ամբիոն):
1954 թ. - ավարտել է ասպիրանտուրան:
1956 -1974 թթ. – եղել է ՀԽՍՀ Գիտությունների ակադեմիայի պատմության ինստիտուտի ավագ գիտաշխատող:
1956 թ. - պաշտպանել է թեկնածուական ատենախոսություն՝ «Ստեփան Շահումյանի կուսակցական և պետական գործունեությունը 1917-1918 թթ.»:
1966 թ. - պաշտպանել է դոկտորական ատենախոսություն՝ «Սփյուռքահայ կուսակցությունները ժամանակակից էտապում»:
1980 թ. - նրան շնորհվել է պրոֆեսորի գիտական կոչում:
1974 -1976 թթ. - վարել է Երևանի Խ. Աբովյանի անվան մանկավարժական ինստիտուտի գիտական կոմունիզմի ամբիոնի վարիչի պաշտոնը:
1977-1999 թթ. - ղեկավարել է ԵՊՀ հայ ժողովրդի պատմության ամբիոնը:
1979 թ. - գիտական գործուղման է մեկնել Լեհաստան:
1990 թ.՝ - ՀԽՍՀ ԳԱ թղթակից անդամ:
1991(ՀՀ ԳԱ) –1993 (Հայաստանի ԳԱԱ) թթ.՝ պատմության և տնտեսագիտության բաժանմունքի ակադեմիկոս-քարտուղարի տեղակալ:
1996 թ. - ընտրվել է ՀՀ ԳԱԱ ակադեմիկոս: