Ռոմ Ռուբենի Վարշամովը ծնվել է 1927 թ. ապրիլի 9-ին, Թբիլիսիում, ծառայողի ընտանիքում: Վախճանվել է 1999 թ. օգոստոսի 24-ին, Մոսկվայում:
1934 թ. - ընդունվել Թբիլիսիի 14-րդ արական միջնակարգ դպրոց:
1945 թ. - ավարտել վերոհիշյալ դպրոցը:
1945 թ. - ընդունվել Թբիլիսիի Պետական համալսարանի մեխանիկա-մաթեմատիկական բաժանմունք:
1952 թ. - ավարտել է Թբիլիսիի Պետական համալսարանի մեխանիկա-մաթեմատիկական բաժանմունքը մաթեմատիկա մասնագիտությամբ:
1955 թ. – ավարտել էվերոհիշյալ համալսարանի ասպիրանտուրան (հանրահաշիվ-երկրաչափության ամբիոն):
1955-1962 թթ. - աշխատել է Մոսկվայում՝ ԽՍՀՄ ՌՏԱՄ փ/ա 37 ԳՀԻ-ում, որպես ավագ գիտաշխատող:
1957 թ. - Մոսկվայի Մ. Լոմոնոսովի անվ. Պետական համալսարանի մեխանիկա-մաթեմատիկական բաժանմունքի խորհրդի որոշմամբ Ռ. Ռ. Վարշամովին շնորհվել է ֆիզիկամաթեմատիկական գիտությունների թեկնածուի գիտական աստիճան:
1962 թ. - մրցույթով նշանակում ստանալով, տեղափոխվել է ԽՍՀՄ ԳԱ-ի ավտոմատիկայի և հեռուստամեխանիկայի ինստիտուտ որպես ավագ գիտաշխատող:
1962 թ. - ԽՍՀՄ ԳԱ ԱՀԻ-ի գիտական խորհրդի որոշմամբ Ռ. Ռ. Վարշամովին շնորհվել է ավագ գիտաշխատողի կոչում «ավտոմատ կառավարում և կարգավորում» մասնագիտությամբ:
1966 թ. - Մոսկվայի Մ. Լոմոնոսովի անվ. Պետական համալսարանի և ԽՍՀՄ ԳԱ ԱՏԻ-ի համատեղ գիտ. խորհրդում Ռ. Ռ. Վարշամովը պաշտպանել է դոկտորական ատենախոսություն և Բարձրագույն որակավորման հանձնաժողովի որոշմամբ նրան շնորհվել է ֆիզիկամաթեմատիկական գիտությունների դոկտորի գիտական աստիճան:
1968 թ. - փետրվարի 1-ին տեղափոխվել է Երևան և ստանձնել էՀԽՍՀ ԳԱ-ի և ԵՊՀ Հաշվողական կենտրոնի, գիտական գծով, փոխտնօրենի պաշտոնը:
1969 թ. - Բարձրագույն որակավորման հանձնաժողովի կողմից Ռ. Ռ. Վարշամովին շնորհվել է պրոֆեսորի գիտական կոչում «տեսական կիբեռնետիկա» մասնագիտությամբ:
1970 թ. – ստանձնել է իր իսկ նախաձեռնությամբ ՀԽՍՀ ԳԱ-ի նախագահությանը կից ստեղծված Կիբեռնետիկայի և ռադիոէլեկտրոնիկայի գիտական խորհրդի (հետագայում՝ Ինֆորմատիկայի գիտական խորհուրդ) նախագահի պաշտոնը:
1970 թ. - նշանակվել է ՀԽՍՀ ԳԱ-ի և ԵՊՀ Հաշվողական կենտրոնի տնօրենի պաշտոնում:
1971-1999 թթ. - զբաղեցրել է ՀԽՍՀ ԳԱ-ի և ԵՊՀ Հաշվողական կենտրոնի բաժնի վարիչի պաշտոնը , միաժամանակ, ղեկավարել է իր կողմից ստեղծված Կոդավորման ևտեղեկատվության տեսության լաբորատորիան:
1977 թ. - ընտրվել է ՀԽՍՀ ԳԱ թղթակից անդամ:
1986 թ.՝ - ՀԽՍՀ ԳԱ-ի և Օսակայի (Ճապոնիա) միջև կոդավորման տեսության բնագավառում երկկողմանի համագործակցության շրջանակներում, Դիլիջանում, անցկացված առաջին համազրույցի կազմկոմիտեի նախագահ:
1990 թ. - ընտրվել է ՀՀ ԳԱԱ ակադեմիկոս «Ինֆորմատիկա և ավտոմատիկա» մասնագիտությամբ: