1936 թ. հունվարի 26-ին ծնվել է Գևորգ Երվանդի Բաղդասարյանը Արագածի շրջանի Ծաղկահովիտ գյուղում ծառայողի ընտանիքում։ Վախճանվել է 2023 թ․ նոյեմբերի 5-ին։
1949 թ. ընդունվել է ՀամԼԿԵՄ շարքերը։
1953 թ. ավարտել է Ապարան գյուղի միջնակարգ դպրոցը արծաթե մեդալով, ապա ընդունվել Երևանի պետական համալսարանի ֆիզիկա-մաթեմատիկական ֆակուլտետը։
1958 թ. գերազանց առաջադիմությամբ ավարտել է համալսարանը, ընդունվել աշխատանքի Գիտությունների ակադեմիայի Մաթեմատիկայի և մեխանիկայի ինստիտուտում (ներկայումս՝ մեխանիկայի ինստիտուտ)։
1958-1964 թթ. – կրտսեր գիտաշխատող այդ ինստիտուտում։
1963 թ. – թեկնածուական թեզի պաշտպանություն՝ նվիրված գազի գերձայնային հոսանքով շրջհոսվող սալերի և թաղանթների կայունությանը։
1968-1975 թթ. – Խ. Աբովյանի անվ. հայկական պետական մանկավարժական ինստիտուտի ավագ դասախոս (համատեղության կարգով):
1972 թ. – գիտական գործուղում Լեհաստան։
1973 թ. – գործուղում Բուլղարիա՝ գիտնականների պատվիրակության կազմում։
1976-1982 թթ. – ԵՊԻ–ում դասախոս, դոցենտ (համատեղության կարգով)։
1973 թ. – ՍՄԿԿ անդամ։
1977 թ. - դոկտորական թեզի պաշտպանություն՝ «Բարակապատ մարմինների և էլեկտրամագնիսական դաշտերի փոխազդեցություն» թեմայով, ֆիզմաթ գիտությունների դոկտորի գիտական աստիճան։
1979 թ. – Գիտությունների ակադեմիայի մեխանիկայի ինստիտուտում ավագ գիտաշխատող։
1979-1988 թթ. – նույն ինստիտուտում մագնիսաառաձգականության տեսության բաժնի վարիչ։
1986-1987 թթ. – ՀԽՍՀ Մեխանիկայի ինստիտուտի դիրեկտոր։
1986-1988 թթ. – Երևանի պետական համալսարանի դասախոս, պրոֆեսոր։
1988 թ.-ից – ԵՊՀ-ի Կիրառական մաթեմատիկայի ֆակուլտետի Բնագիտության, մաթեմատիկական մոդելների և մեթոդների ամբիոնի վարիչ։
1990 թ. ընտրվել է ՀՀ ԳԱ թղթակից անդամ։
1994 թ. – ՀՀ ԳԱԱ ակադեմիկոս։
2002-2006 թթ. – ԵՊՀ-ի ռեկտորի խորհրդական:
2006 թ․-ից – ԵՊՀ մաթեմատիկական մեթոդների և մոդելավորման ամբիոնի պրոֆեսոր:
2010 թ. - շնորհվել է ՀՊՄՀ «Խաչատուր Աբովյան» մեդալ և Հայաստանի Հանրապետության գիտության վաստակավոր գործիչ։
2012 թ․ - պարգևատրվել է Հայաստանի վարչապետի հուշամեդալով։
2012 – 2014 - մասնակցություն դրամաշնորհներին (FP7 Exchange grant):
2017 թ․ - արժանացել է Պողոսյան մրցանակի։