Արտեմ Իսահակի Ալիխանյանը ծնվել է 1908 թ. հունիսի 24–ին, Ելիզավետպոլ քաղաքում: Վախճանվել է 1978 թ. փետրվարի 25–ին, Մոսկվայում:
1931 թ. ավարտել է Լենինգրադի պետական համալսարանը:
1930 - 1943 թթ. աշխատել է Լենինգրադի ֆիզիկատեխնիկական ինստիտուտում:
1935 - 1939 թթ. Լենինգրադի պոլիտեխնիկական ինստիտուտի ֆիզիկամեխանիկական ֆակուլտետի ռենտգենյան ճառագայթների լաբորատորիայի վարիչ:
1937 թ. մասնակցել է համամիութենական միջուկային 2-րդ կոնֆերանսին (Մոսկվա):
1938 թ. մասնակցել է միջուկային ֆիզիկայի գծով համամիութենական 3-րդ խորհրդակցությանը (Լենինգրադ):
1940 թ. շնորհվել է ֆիզիկամաթեմատիկական գիտությունների դոկտորի գիտական աստիճան:
1941 թ. արժանացել է ՍՍՀՄ պետական մրցանակի` ռադիոակտիվությանը վերաբերող գիտական աշխատանքների համար:
- Պարգևատրվել է Աշխատանքային կարմիր դրոշի շքանշանով:
1942 թ. շնորհվել է պրոֆեսորի գիտական կոչում:
- Ա. Ի. Ալիխանովի հետ ստեղծել են տիեզերական ճառագայթների հետազոտման կայանը Արագածում:
1943 թ. ընտրվել է Հայկական ՍՍՀ ԳԱ ակադեմիկոս:
1943 – 1973 թթ. Երևանի ֆիզիկայի ինստիտուտի (1943 – 1946 թթ.` ՀՍՍՀ ԳԱ ֆիզիկամաթեմատիկական ինստիտուտ, 1946 – 1960 թթ. ՀՍՍՀ ԳԱ ֆիզիկայի ինստիտուտ) դիրեկտոր, Երևանի պետական համալսարանի միջուկային ֆիզիկայի ամբիոնի վարիչ:
1944 – 1945 թթ. ՍՍՀՄ ԳԱ ֆիզիկական պրոբլեմների ինստիտուտի ավագ գիտաշխատակից:
1945 թ. պարգևատրվել է Աշխատանքային կարմիր դրոշի շքանշանով:
1946 թ. ընտրվել է ՍՍՀՄ ԳԱ թղթակից անդամ:
1946 – 1960 թթ. Մոսկվայի ինժեներաֆիզիկական ինստիտուտի միջուկային ֆիզիկայի ամբիոնի վարիչ:
1946 – 1978 թթ. ՍՍՀՄ ԳԱ ֆիզիկայի ինստիտուտի տարրական մասնիկների լաբորատորիայի վարիչ:
1948 թ. արժանացել է ՍՍՀՄ պետական մրցանակի` տիեզերական ճառագայթների ուսումնասիրման համար:
1960 թ. հիմնեց տիեզերական ճառագայթների հետազոտման Նոր–Ամբերդ կայանը Արագած լեռան լանջին:
- Ա. Ի. Ալիխանյանի նախաձեռնությամբ Նոր–Ամբերդում սկսեց գործել փորձարարական և տեսական ֆիզիկայի ամենամյա դպրոցը:
1962 թ. գործուղվել է Շվեյցարիա:
1967 թ. շնորհվել է Հայկական ՍՍՀ գիտության վաստակավոր գործչի պատվավոր կոչում:
- Շարք մտավ Ա. Ի. Ալիխանյանի անմիջական ղեկավարությամբ կառուցված 6 ԳԵՎ էներգիայով էլեկտրոնաօղակային արագացուցիչը:
1970 թ. արժանացել է Լենինյան մրցանակի` Թ. Լ. Ասաթիանիի հետ համատեղ տրեկային կայծային խցիկների ստեղծման համար:
1971 թ. ընտրվել է ՀՍՍՀ ԳԱ նախագահության անդամ:
1973 թ. էլեկտրոնաօղակային արագացուցիչների (ԷՕԱ) նշանավոր համալիրային կառույցների համար արժանացել է ՍՍՀՄ Մինիստրների խորհրդի մրցանակին: