Բաբկեն Նիկոլայի Առաքելյանը ծնվել է 1912 թվականի փետրվարի 1-ին Հայկական ՍՍՀ Հոկտեմբերյանի շրջանի Մրգաշատ (նախկին Գեչրլու) գյուղում։ Վախճանվել է 2004 թ. օգոստոսի 16-ին Երևանում։
1931 թ. ավարտել է Երևանի գյուղատնտեսական տեխնիկումը։
1931-1933 թթ. աշխատել է Եղեգնաձորի շրջանում իբրև ագրոտեխնիկ։
1938 թ. ավարտել է Երևանի պետական համալսարանի պատմության ֆակուլտետը։
1938-1941 թթ. ՍՍՀՄ գիտությունների ակադեմիայի հայկական մասնաճյուղի պատմության ինստիտուտի ասպիրանտ։
1941 թ. շնորհվել է պատմական գիտությունների թեկնածուի գիտական աստիճան։
- ՍՍՀՄ ԳԱ հայկական մասնաճյուղի պատմության ինստիտուտի ավագ գիտական աշխատող։
1942-1946 թթ. ծառայել է Սովետական բանակում, մասնակցել է Հայրենական մեծ պատերազմին։
1943 թ. պարգևատրվել է Կարմիր աստղի շքանշանով։
1945 թ. պարգևատրվել է Կարմիր դրոշի շքանշանով և Հայրենական պատերազմի 2-րդ աստիճանի շքանշանով։
1949-1959 թթ. Հայկական ՍՍՀ գիտությունների ակադեմիայի պատմության ինստիտուտի հնագիտության սեկտորի վարիչ։
1955 թ. շնորհվել է պատմական գիտությունների դոկտորի գիտական աստիճան։
1957 թ. շնորհվել է պրոֆեսորի գիտական կոչում։
1958-1990 թթ. «Պատմա-բանասիրական հանդեսի» խմբագրական կոլեգայի անդամ։
1959-1986 թթ. Հայկական ՍՍՀ ԳԱ հնագիտության և ազգագրության ինստիտուտի տնօրեն։
1960 թ. մասնակցել է պատմաբանների միջազգային XI կոնգրեսին (Ստոկհոլմ)։
- Հաստատվել է Հայկական ՍՍՀ ԳԱ նախագահությանը կից պատմության և կուլտուրայի հուշարձանների պահպանման և ուսումնասիրման գիտամեթոդական խորհրդի նախագահ։
1963 թ. մասնակցել է դասական հնագիտության միջազգային XIV կոնգրեսին (Փարիզ)։
1965 թ. շնորհվել է Հայկական ՍՍՀ գիտության վաստակավոր գործչի կոչում։
1968 թ. ընտրվել է Հայկական ՍՍՀ ԳԱ թղթակից-անդամ։
1970-1986 թթ. Հայկական սովետական հանրագիտարանի խմբագրական կոլեգիայի անդամ և հնագիտության և ազգագրության գիտաճյուղային խորհրդի նախագահ։
1972 թ. պարգևատրվել է Հայկական ՍՍՀ Գերագույն սովետի պատվոգրով։
1974 թ. ընտրվել է Հայկական ՍՍՀ ԳԱ ակադեմիկոս։
1975 թ. մասնակցել է հայկական արվեստին նվիրված միջազգային սիմպոզիումին (Միլան)։
1976 թ. պարգևատրվել է Աշխատանքային կարմիր դրոշի շքանշանով։
1978 թ. արժանացել է Հայկական ՍՍՀ Պետական մրցանակի։
- Մասնակցել է սոցիալիստական երկրների գիտնականների՝ անտիկ աշխարհի պատմությանը, բանասիրությանը, հնագիտությանը և արվեստին նվիրված միջազգային համաժողովին (Նեսեբր-Բուլղարիա)։
1980 թ. պարգևատրվել է Հայկական ՍՍՀ ԳԱ «Մեծարման գրով»։
1981 թ. հրավիրվել է ԱՄՆ՝ Կալիֆորնիայի (Լոս Անջելոս) համալսարանում դասախոսություններ կարդալու։
1982 թ. պարգևատրվել է Աշխատանքային կարմիր դրոշի երկրորդ շքանշանով՝ պատմագիտության, գիտական կադրերի պատրաստման բնագավառում ունեցած վաստակի համար և ծննդյան 70-ամյակի կապակցությամբ։
1986 թ. արժանացել է Հայկական ՍՍՀ Պետական մրցանակի (2-րդ անգամ)։