Վլադիմիր Եղիշի Խոջաբեկյանը ծնվել է 1929 թ. մարտի 2-ին Հայաստանի Հանրապետության Բասարգեչարի (այժմ` Վարդենիս) շրջանի Չախրլու (այժմ` Խաչաղբյուր) գյուղում: Վախճանվել է 2012 թ. հուլիսի 3-ին Երևանում։
1946 թ. ավարտել է Վարդենիսի միջնակարգ դպրոցը:
1946-1949 թթ. աշխատել է Խաչաղբյուրի միջնակարգ դպրոցում որպես ավագ ջոկատավար:
1954 թ. գերազանցության դիպլոմով ավարտել է Երևանի պետական համալսարանի տնտեսագիտական ֆակուլտետի քաղաքատնտեսության բաժինը:
1955-1960 թթ. աշխատել է Հայպետհրատում` որպես քաղաքական գրականության խմբագիր:
1955-1973 թթ. եղել է Երևանի պետական համալսարանի տնտեսագիտական ֆակուլտետի ասիստենտ, դասախոս:
1959 թ. ավարտել է Երևանի պետական համալսարանի հեռակա ասպիրանտուրան «քաղաքատնտեսություն» մասնագիտությամբ:
1960 թ. առ այսօր աշխատում է ՀՀ ԳԱԱ տնտեսագիտության ինստիտուտում:
- ընտրվել է ՀՀ ԳԱԱ տնտեսագիտության ինստիտուտի ավագ գիտաշխատողի պաշտոնակատար:
1963 թ. պաշտպանել է թեկնածուկան թեզ և ստացել տնտեսագիտական թեկնածուի գիտական աստիճան:
1963-1964 թթ. եղել է բժշկական ինստիտուտի դասախոս:
1964 թ. Համամիութենական գիտաժողովի մասնակից Ալմա-Աթայում:
1966 թ. շնորհվել է տնտեսագիտության ավագ գիտաշխատողի կոչում:
1967 թ. ընտրվել է տնտեսագիտության ինստիտուտի ժողովրդագրության և աշխատանքային ռեսուրսների բաժնի վարիչ:
1970-1975 թթ. դասախոսել է Երևանի գյուղատնտեսական ինստիտուտում:
1970 թ. պարգևատրվել է հոբելյանական մեդալով:
- Լենինգրադում կայացած տնտեսագետների միջազգային գիտաժողովում Հայաստանի պատվիրակության անդամ:
1973 թ. պարգևատրվել է ՀԽՍՀ ԳԱ «Պատվոգրով»:
- Մասնակցել է ԽՍՀՄ և Ուկրաինական ԽՍՀ Գիտությունների ակադեմիաների միջազգային գիտաժողովին Կիևում:
1974 թ. պարգևատրվել է ՀԽՍՀ ԳԱ նախագահության և ՀԱՄԽ-ի «Սոցիալիստական մրցության 1973 թ. հաղթող»-ի կրծքանշանով:
- ԽՍՀՄ Պետպլանի կոլեգիայի «Հոբելյանական պատվոգրով»:
1974 թ առ այսօր Հայկական հանրագիտարանի բոլոր հատորների տնտեսագիտության գիտաճյուղային խորհրդի անդամ է:
1974 թ. Տնտեսագետների միջազգային գիտաժողովի պատգամավոր Բուդապեշտում:
1975 թ. շնորհվել է տնտեսագիտության դոկտորի գիտական աստիճան:
1975-1977 թթ. ժողովրդական տնտեսության ինստիտուտի պրոֆեսորի պաշտոնակատար:
- Տնտեսագետների համամիութենական գիտաժողովի պատգամավոր Աշխաբադում:
1976 թ.,1978 թ. և 1980 թ. զեկուցումներով հանդես է եկել ԳԴՀ ակադեմիայի կենտրոնական տնտեսագիտության, Լայպցիգի տնտեսագիտոթույան, Դրեզդենի աշխատանքի ինստիտուտներում և Բեռլինի Հումբոլտի անվան համալսարանում:
1977 թ. ստացել է պրոֆեսորի կոչում:
1978 թ. Համամիութենական գիտագործնական գիտաժողովի պատգամավոր Մոսկվայում:
- Պարգևատրվել է ՀԽՍՀ ԳԱ «Պատվոգրով»:
- Պարգևատրվել է Համամիութենական «Գիտելիք» ընկերության «Պատվոգրով»:
1978-1988 թթ. Երևանի գեղարվեստա-թատերական ինստիտուտի պրոֆեսոր:
1980 թ. ընտրվել է «Գիտելիք» ընկերության Երևանի տնտեսագիտության բաժնի վարիչ:
1980-1991 թթ. ԽՍՀՄ Գիտությունների ակադեմիայի տնտեսագիտության ինստիտուտի ժողովրդագրության և աշխատանքային ռեսուրսների հիմնահարցերի խորհրդի անդամ:
1982 թ. ընտրվել է ՀԽՍՀ ԳԱ թղթակից անդամ:
1983 թ. պարգևատրվել է «Գիտելիք» Համամիութենական միության վարչության նախագահության շնորհակալական պատվոգրով:
1983 թ. ՀԽՍՀ ԳԱ տնտեսագիտության ինստիտուտի փոխտնօրեն:
1985 թ. պարգևատրվել է ԽՍՀՄ Գիտատնտեսագիտական ընկերության կենտրոնական վարչության համամիութենական մրցանակաբաշխության դիպլոմով` 1984 թ. գերմանացի գիտնականներ Յու.Վազեի, Ռ. Շեֆերի համահեղինակությամբ հրատարակած “Проблемы демографии и воспризводства трудовых ресурсов” լավագույն տնտեսագիտական աշխատանքի համար, աշխատանքի խնայողության ռեզերվների օգտագործման ասպարեզում:
1985-1993 թթ. «Գիտելիք» ընկերության նախագահի տեղակալ:
1986 թ. Համամիութենական գիտագործնական գիտաժողովի մասնակից Մոսկվայում:
1987 թ. Տնտեսագետների գիտագործնական գիտաժողովի մասնակից Թբիլիսիում և Բաքվում` հնդիկ տնտեսագետների հետ:
- Համամիութենական գիտագործնական գիտաժողովի մասնակից (Մոսկվա-Սուզդալ):
1988 թ. Տնտեսագետների միջազգային գիտաժողովի մասնակից Դելիում:
- Տնտեսագետների համամիութենական գիտաժողովի մասնակից Դիլիջանում:
1989 թ. պարգևատրվել է Հայաստանի «Գիտելիք» ընկերության վարչության նախագահության «Վաստակագրով»:
1989-1994 թթ. Երևանի ժողտնտեսության ինստիտուտի պրոֆեսոր:
1990 թ. զեկուցումներով հանդես է եկել Սիդնեյի հայկական համայնքներում:
1990թ.-ից՝ Հայկական համառոտ հանրագիտարանի բոլոր հատորների գիտախմբագրական խորհրդի անդամ:
1994 թ. ընտրվել է ՀՀ ԳԱԱ ակադեմիկոս:
1994 թ. Տնտեսագետների միջազգային գիտաժողովի մասնակից Թեհրանում:
1995 թ. Միջազգային գիտական նստաշրջանի մասնակից Մոսկվայում:
1998 թ. «Կինը և հասարակությունը» երրորդ միջազգային գիտաժողովի մասնակից Ծաղկաձորում:
- Միջազգային տնտեսագիտական գիտական նստաշրջանի մասնակից Մոսկվայում:
- Սոցապ նախարարության գիտագործնական խորհրդի անդամ մինչև 2002թ.:
1999-2006 թթ. ընտրվել է ԳԱԱ տնտեսագիտության ինստիտուտի տնօրեն:
1999 և 2008 թթ. արժանացել է Ամերիկյան կեսագրական ինստիտուտի կողմից «Տարվա մարդ» կոչմանը:
- Ռուսաստանի Դաշնության ԳԱ նախագահության միջազգային գիտագործնական գիտաժողովի մասնակից Մոսկվայում:
- Ընտրվել է Ազգային անվտանգության պրոբլեմների գծով գիտությունների միջազգային ակադեմիայի ակադեմիկոս:
- Ընտրվել է ՀՀ ԳԱԱ հումանիտար բաժանմունքի փիլիսոփայության, տնտեսագիտության և իրավագիտության պրոբլեմային խորհրդի նախագահ:
- ՀՀ կառավարությանն առընթեր «Միգրացիայի և փախստականների վարչությանը» կից մասնագիտական խորհրդի անդամ միչև 2002 թ.:
- ԱՊՀ և Բալթյան երկրների անկախ հետազոտական խորհրդի հարկադիր գաղթի հիմնահարցերին նվիրված 2-րդ միջազգային նստաշրջանի մասնակից:
- «Պրոբլեմի տեորիի ի պրակտիկի ուպրավլենիա» միջազգային ամսագրի ՀՀ ԳԱԱ տնտեսագիտության ինստիտուտի կողմից ներկայացուցիչ-անդամ:
2003 թ. կառավարական գիտագործնական նստաշրջանի մասնակից Մոսկվայում:
2003 թ. պարգևատրվել է «Մովսես Խորենացի» մեդալով:
2006 թ. Մ. Քոթանյանի անվան տնտեսագիտության ինստիտուտի տնօրենի խորհրդական, գլխավոր գիտաշխատող, թեմատիկ խմբի ղեկավար։:
2009 թ. պարգևատրվել է Երևանի պետական տնտեսագիտական համալսարանի Ոսկե հուշամեդալով: