ՀՀ ԳԱԱ ակադեմիկոս Ռադիկ Մարտիրոսի Մարտիրոսյանը ծնվել է 1936 թ. մայիսի 1-ին Լեռնային Ղարաբաղի Մարտակերտի շրջանի Մատաղիս գյուղում:
1953 թ.- ընդունվել է Երևանի պետական համալսարանի ֆիզիկամաթեմատիկական ֆակուլտետ:
1958 թ.- գերազանցությամբ ավարտել է ԵՊՀ ֆիզիկամաթեմատիկական ֆակուլտետը՝ աստղաֆիզիկոսի որակավորմամբ:
1958-1960 թթ.- եղել է ՀԽՍՀ ԳԱ Բյուրականի աստղադիտարանի կրտսեր գիտաշխատող:
1960 թ.- ընդունվել է աշխատանքի ՀԽՍՀ ԳԱ ռադիոֆիզիկայի և էլեկտրոնիկայի ինստիտուտում:
1960 թ. ՀՀ ԳԱԱ նախագահ Վ.Հ. Համբարձումյանի առաջարկությամբ և աջակցությամբ ընդունվել է ԽՍՀՄ ԳԱ Պ. Լեբեդևի անվ. Ֆիզիկայի ինստիտուտի ասպիրանտուրա` Նոբելյան մրցանակի դափնեկիր Ա. Մ. Պրոխորովի ղեկավարությամբ:
1963 թ.- ավարտել է ասպիրանտուրան:
1964 թ.- պաշտպանել է թեկնածուական ատենախոսություն և ստացել է ֆիզիկամաթեմատիկական գիտությունների թեկնածուի գիտական աստիճան:
1964-1968 թթ.- ՀԽՍՀ ԳԱ ռադիոֆիզիկայի և էլեկտրոնիկայի ինստիտուտում եղել է ավագ գիտաշխատող:
1965 թ.- ից՝ Երևանի պետական համալսարանի ռադիոֆիզիկայի ֆակուլտետի դասախոս:
1968-1970 թթ.- ՀԽՍՀ ԳԱ ռադիոֆիզիկայի և էլեկտրոնիկայի ինստիտուտի լաբորատորիայի բաժնի վարիչ:
1970-1980 թթ.- ՀԽՍՀ ԳԱ ռադիոֆիզիկայի և էլեկտրոնիկայի ինստիտուտի՝ գիտական աշխատանքների գծով փոխտնօրեն:
1980 թ.- պաշտպանել է դոկտորական ատենախոսություն և ստացել է ֆիզիկամաթեմատիկական գիտությունների դոկտորի գիտական աստիճան:
1980-2006 թթ.՝- ՀԽՍՀ ԳԱ ռադիոֆիզիկայի և էլեկտրոնիկայի ինստիտուտի տնօրեն:
1981 թ.- պարգևատրվել է «Պատվո նշան» շքանշանով:
1982 թ.- նրան շնորհվել է պրոֆեսորի կոչում:
1983-1986 թթ.- ղեկավարել է ԵՊՀ-ում իր նախաձեռնությամբ ստեղծված Գերբարձր հաճախականությունների (ԳԲՀ) ռադիոֆիզիկայի ամբիոնը:
1985 թ.- պարգևատրվել է «Ժողովուրդների բարեկամության շքանշան»-ով:
1986 թ.- գիտության բնագավառում ներդրած ծանրակշիռ ավանդի համար նա ընտրվել է ՀԽՍՀ ԳԱ թղթակից անդամ:
1986 թ.- պարգևատրվել է «Հոկտեմբերյան հեղափոխության շքանշան»-ով:
1986 թ.- ընտրվել է ՀԽՍՀ ԳԱ թղթակից անդամ:
1987 թ.- պարգևատրվել է «Գագարինի անվան մեդալ»-ով:
1988 թ.- արժանացել է ՀԽՍՀ պետական մրցանակի՝ գիտության և տեխնիկայի բնագավառում գիտական ներդրումների համար:
1989 թ.- արժանացել է ՈւԽՍՀ պետական մրցանակի՝ գիտության և տեխնիկայի բնագավառում գիտական ներդրումների համար:
1990 թ. ընտրվել է ՀՀ ԳԱԱ ակադեմիկոս:
1993-2006 թթ.՝ - ԵՊՀ ռեկտոր:
1995 թ.- դարձել է ԵՊՀ-ում գործող ֆիզիկայի մասնագիտական խորհրդի նախագահը:
1999 թ.- պարգևատրվել է ՀՀ «Սուրբ Մեսրոպ Մաշտոց» շքանշանով:
2004 թ.- պարգևատրվել է Իտալիայի նախագահի շքանշանով:
2005 թ.- պարգևատրվել է Ֆրանսիայի կառավարության և ԼՂՀ «Մեսրոպ Մաշտոց» շքանշաններով:
2006 թ.- ստանձնել է ԳԲՀ ռադիոֆիզիկայի և հեռահաղորդակցության ամբիոնի վարիչի պաշտոնը:
2006 թ.- նրան շնորհվել է «Գիտական ուսումնասիրությունների և բարձրագույն կրթության բնագավառում ձեռք բերած բացառիկ նվաճումների համար» ԵՊՀ մեդալ:
2006-2021 թթ.՝- ՀՀ ԳԱԱ նախագահ:
2007 թ.- պարգևատրվել է Հայ առաքելական եկեղեցու «Ս. Սահակ-Ս. Մեսրոպ» շքանշանով:
2017 թ. - պարգևատրվել է «Հայրենիքին մատուցած ծառայությունների համար» 1-ին աստիճանի շքանշանով: