Ծնվել է 1931թ. հունվարի 31-ին, Հայաստանի Խորհրդային Հանրապետության Աշտարակ քաղաքում: Վախճանվել է 2010թ. հուլիսի 21-ին, Ամերիկայի Միացյալ Նահանգներում:
1938 թ. ընդունվել է Երևանի 26 կոմիսարների անվ. դպրոց:
1948 թ. ընդունվել է Երևանի բժշկական ինստիտուտի բուժական ֆակուլտետ:
1954 թ. գերազանցությամբ ավարտել է վերոհիշյալ ֆակուլտետը:
1954-1959 թթ. ՀԽՍՀ առողջապահության նախարարության ուղեգրով աշխատել է ՀԽՍՀ Արթիկի շրջանի բուժ-միավորումում՝
1954-1955 թթ.՝ որպես ուռուցքաբան և դատաբժշկական փորձագետ,
1955-1958 թթ.՝ որպես վիրաբույժ և գլխավոր բժիշկ,
1958-1959 թթ.՝ գլխավոր բժշկի տեղակալ և վիրաբույժ:
1956 թ.` ԽՄԿԿ անդամ:
1959-1960 թթ. եղել է Երևանի բժշկական ինստիտուտի Դեղաբանության ամբիոնի ավագ լաբորանտ,
1960-1967 թթ.՝ ասիստենտ,
1961-1971 թթ. պրոռեկտոր:
1967 թ.՝ ասիստենտ և ինստիտուտի կուսակցական կոմիտեի ազատված քարտուղար,
1967 թ.՝ ազատված քարտուղար և Դեղաբանության ամբիոնի դոցենտի պաշտոնակատար:
1967 թ.` գործուղում Մեծ Բրիտանիա:
1967-1968 թ.՝ Դեղաբանության ամբիոնի դոցենտի պաշտոնակատար:
1968 թ. ստացել է դոցենտի կոչում:
1968-1971 թթ.՝ Դեղաբանության ամբիոնի դոցենտ:
1968 թ.՝ գործուղում Շվեդիա:
1969-1971 թթ.՝ Դեղաբանության ամբիոնի դոցենտ և բժշկական ինստիտուտի՝ ուսումնական գծով պրոռեկտոր:
1971 թ. պաշտպանել է դոկտորական ատենախոսություն՝ “Влияние нейроактивных средств на мозговое кровообращение” և նրան շնորհվել է բժշկական գիտությունների դոկտորի գիտական աստիճան:
1971-1975 թթ. վարել է Երևանի բժշկական ինստիտուտի ռեկտորի պաշտոնը:
1972 թ.՝ գործուղում ԱՄՆ:
1972 թ. ինստիտուտում հիմնադրել է գիտաբժշկական տեղեկատվության բաժին:
1972 թ. նրան շնորհվել է պրոֆեսորի գիտական կոչում:
1972-1975 թթ. եղել է բժշկական ինստիտուտի Դեղաբանության ամբիոնի պրոֆեսոր:
1974 թ.՝ գործուղում ԳՖՀ:
1975 թ.՝ գործուղում Ֆինլանդիա:
1975-1989 թթ. եղել է ՀԽՍՀ առողջապահության նախարար և, հասարակական կարգով, բժշկական ինստիտուտի Դեղաբանության ամբիոնի սիրտ-անոթային համակարգի դեղաբանության պրոբլեմային լաբորատորիայի վարիչ:
1976 թ.՝ գործուղում Պորտուգալիա, Անգլիա:
1976 թ. հիմնադրել է ԵԲԻ դեղաբանության ամբիոնի արյան շրջանառության դեղաբանության ԳՀԼ:
1976 թ. արժանացել է «Աշխատանքային կարմիր դրոշ» շքանշանի, «Անձնվեր աշխատանքի համար» հոբելյանական մեդալի:
1977 թ.՝ ՀՀ ԳԱԱ թղթակից անդամ «Դեղաբանություն» մասնագիտության գծով:
1978 թ.՝ գործուղում Լեհաստան, Ֆրանսիա:
1978 թ. Կրակովի Ն. Կոպեռնիկոսի անվ. Բժշկական ակադեմիայի գիտական խորհրդի որոշմամբ պարգևատրվել է «Բժշկագիտության բնագավառում գիտական նվաճումների համար» դիպլոմով և «Յագելոնի համալսարանի հիմնադրման 600-ամյակին» մեդալով:
1979 թ.՝ գործուղում Հունգարիա:
1981 թ. արժանացել է «Ժողովուրդների բարեկամություն» շքանշանի և 2 մեդալի:
1982 թ. արժանացել է «Դեղաբանական գիտության զարգացման գործում ակնառու ներդրման համար»՝ Ն. Պ. Կրավկովի անվան մեդալի և դիպլոմի:
1983 թ.՝ գործուղում Իտալիա:
1983 թ. արժանացել է «Սոցիալիստական համագործակցության երկրների գիտատեխնիկական համագործակցության մեջ ակտիվ մասնակցության և ներդրման համար»՝ ՏՓԽ-ի երկրների կոորդինացման պատվավոր դիպլոմի:
1984 թ.՝ գործուղում Կանադա, Անգլիա:
1985 թ.՝ ծառայողական գործուղում Ֆինլանդիա:
1985 թ. արժանացել է Ն. Ի. Պիրոգովի մեդալի:
1987 թ.՝ ԽՍՀՄ «Գիտելիք» ընկերության դիպլոմ և Պ. Ն. Կրավկովի մեդալ:
1988-1994 թթ.՝ ԵԲԻ դեղաբանության ամբիոնի վարիչ:
1989 թ.՝ գործուղում Իտալիա, ԱՄՆ:
1989-1994 թթ.՝ դեղաբանության ամբիոնի՝ Ուղեղի արյան շրջանառության դեղաբանության Գ/Խ լաբորատորիայի վարիչ:
1991թ. ՝«Շևալյե»՝ ազնվականության տիտղոս:
1992 թ. ՝ «Ծառայություններ կյանքի համար» շքանշան, Սպիտակ խաչի ասպետների համաշխարհային միաբանության կողմից նրան շնորհվել է «Մարդասիրության ասպետ» տիտղոսը և պարգևատրվել է ասպետական խաչով:
1992 -2010 թթ.՝ ՀՀ Դեղերի և բժշկական տեխնոլոգիաների գործակալության հիմնադիր-տնօրեն:
1992 թ.՝ Անոթաբանների միջազգային քոլեջի գիտխորհրդի անդամ:
1993թ.՝ «Դեղեր և բժշկություն» բժշկագիտական ամսագրի գլխավոր խմբագիր:
1994 թ. ընտրվել է ՀՀ ԳԱԱ ակադեմիկոս «Դեղաբանություն» մասնագիտության գծով, ստանձնել է ՀՀ Դեղաբանների ընկերության նախագահի և ՀՀ առողջապահության նախարարությանն առընթեր Դեղտեսչության նախագահի պաշտոնները:
1994-2002 թթ.՝ ՀՀ ԳԱԱ փոխնախագահ և բնական գիտությունների բաժանմունքի ակադեմիկոս-քարտուղար:
1994-2005 թթ. ՀՀ ԳԱԱ Նախագահության անդամ:
1994 թ.՝ գործուղում ԱՄՆ, Կանադա, Դանիա:
1996-1998 թթ. եղել է Առողջապահության համաշխարհային կազմակերպության Հիմնական դեղերի ծրագրի ղեկավար կոմիտեի անդամ:
1997 թ.՝ Գիտությունների միջազգային ակադեմիայի և Տեղեկատվայնացման միջազգային ակադեմիայի անդամ և «Արմենիկում» ծրագրի գիտական քարտուղար:
1999 թ. արժանացել է ՅՈՒՆԵՍԿՕ-ի «Կալինգա» միջազգային մրցանակի դափնեկրի հեղինակավոր կոչման:
2000թ.՝ ՀՀ Մխիթար Հերացու մեդալ:
2000-2002 թթ. վարել է ՀՀ ԳԱԱ փոխնախագահի, Բնական գիտությունների բաժանմունքի ակադեմիկոս-քարտուղարի պաշտոնները:
2001 թ. ընտրվել է ՌԴ բնական գիտությունների ակադեմիայի, ՌԴ բժշկական գիտությունների ակադեմիայի, Եվրոպայի՝ Առողջության հետազոտման խորհրդատվական կոմիտեի անդամ, Սուրբ Մեծն Ներսես բժշկական կենտրոնի վարչության նախագահ:
2002 թ. ընտրվել է ՀՀ ԳԱԱ փոխնախագահի պաշտոնում:
2003 թ.՝ ՀՀ ԳԱԱ բնական գիտությունների էլեկտրոնային հանդեսի գլխավոր խմբագիր:
2003 թ.՝ Եվրոպայի բնական գիտությունների ակադեմիայի Պաուլ Էռլիխի ոսկե մեդալ, Ռ. Ղ. Վիրխովի ոսկե մեդալ:
2004 թ. ընտրվել է ՀՀ ԳԱԱ նախագահության անդամ, ապա՝ ՀՀ ԳԱԱ փոխնախագահ, Բնական գիտությունների բաժանմունքի ակադեմիկոս-քարտուղար:
2006 թ. ՀՀ կառավարության 15.12.2006 թ. թ. 2212-Ն որոշմամբ ՀՀ ԳԱԱ փոխնախագահների պաշտոնների վերացման կապակցությամբ ազատվել է ՀՀ ԳԱԱ փոխնախագահի պարտականություններից և, համաձայն իր դիմումի, ՀՀ ԳԱԱ Բնական գիտությունների բաժանմունքի ակադեմիկոս-քարտուղարի, ինչպես և, ՀՀ ԳԱԱ նախագահության անդամի պարտականություններից:
2008 թ. Սուրբ Մաշտոց-Սուրբ Սահակ շքանշան: