Հայազգի անվանի գիտնական, ատոմային էներգետիկայի խոշոր մասնագետ Անդրանիկ Մելքոնի Պետրոսյանցը ծնվել է 1906թ. մայիսի 8-ին, Վլադիկավկազում: Վախճանվել է 2005 թ. հոկտեմբերի 2-ին:
1922-1923 թթ. աշխատել է Թբիլիսիում որպես՝ Վրաստանում Հայկական ՍՍՀ տնտեսական ներկայացուցչության ցրիչ:
1925-1928 թթ. աշխատել է Հայկական գինու Պետմառաններում որպես խցանող բանվոր (рабочий - купорщик):
1925 թ. ԼԿԵՄ անդամ:
1928-1930 թթ. Մոսկվայի Բաումանի շրջանի ՀԼԿԵՄ ՇԿ անդամ, «Օսվոբոժդյոննիյ տռուդ» (“Освобожденный труд”) ֆաբրիկայի ՀԼԿԵՄ քարտուղար:
1929-1930 թթ. սովորել է Մոսկվայի արդունաբերատնտեսագիտական ինստիտուտի դասընթացներում (այժմ` Պետական կառավարման համալսարան):
1932 թ. ՍՄԿԿ անդամ:
1933թ. ավարտել է Ուրալի մեխանիկամեքենաշինական ինստիտուտը ինժեներ-մեխանիկի մասնագիտությամբ:
1933- 1939 թթ. աշխատել է Սվերդլովսկի՝ Ս. Օրջոնիկիձեի անվան ծանր մեքենաշինության գործարանում նախ՝ որպես վարպետ, ապա՝ տեղամասի պետ, տեխնիկական բաժնի պետ, գլխավոր ինժեների տեղակալ:
1935 թ. եռամսյա գործուղման է մեկնել Գերմանիա՝ Ուրալի մեքենաշինական գործարանի կողմից (ք. Սվերդլովսկ):
1939թ. հունիսին տեղափոխվել է Մոսկվա և նշանակվել Ծանր մեքենաշինության ժողկոմատի կոլեգիայի անդամ, իսկ 1940թ.՝ ժողկոմի տեղակալ:
1941թ. հունվարին նշանակվել է Հաստոցաշինական և գործիքաշինական արդյունաբերության ժողկոմի առաջին տեղակալ:
1941թ. հունիսին նշանակվել է Տանկային արդյունաբերության ժողկոմի տեղակալ:
1943-1945 թթ.-ին աշխատել է որպես ԽՍՀՄ Պաշտպանության պետական կոմիտեի անդամի տեղակալ՝ տանկերի արտադրության գծով:
1944թ. արժանացել է ԽՍՀՄ Զինված ուժերի ինժեներա-տեխնիկական ծառայության բարձրագույն սպայական կազմի անվանական՝ ինժեներա-տեխնիկական ծառայության և ինժեներա-տանկային ծառայության գեներալ-մայորի և տանկային զորքերի բարձրագույն հրամանատարական և ղեկավար կազմի գեներալ-մայորի կոչումների:
1945-1947 թթ. եղել է ԽՍՀՄ ԺԿԽ նախագահի տեղակալի օգնական:
1947-1953 թթ. նշանակվել է ԽՍՀՄ Նախարարների խորհրդին առընթեր Առաջին գլխավոր վարչության պետի տեղակալ:
1953-1955 թթ. աշխատել է որպես կոմբինատի տնօրեն նույն համակարգում:
1954-1956 թթ. Սվերդլովսկի Մարզային գործադիր կոմիտեի պլենումի անդամ:
1955 թ. ստացել է ֆիզիկամաթեմատիկական գիտությունների դոկտորի գիտական աստիճան:
1955-1962 թթ. եղել է ԽՍՀՄ միջին մեքենաշինության նախարարի տեղակալ:
1957 թ. Ա. Մ. Պետրոսյանցին շնորհվել է պրոֆեսորի գիտական աստիճան:
1962թ. ԽՍՀՄ Ատոմային էներգիայի օգտագործման պետական կոմիտեի նախագահ:
1964-1969 թթ. Մոսկվայի Արհմիութենական կենտրոնական կոմիտեի անդամ:
1966 թ. ԽՄԿԿ 23-րդ համագումարի պատգամավոր:
1974թ. Գրենոբլի համալսարանի (Ֆրանսիա) պատվավոր դոկտոր:
1977 թ. ՀԽՍՀ ԳԱ թղթակից անդամ:
1977 թ. Շվեդիայի ինժեներական գիտությունների թագավորական ակադեմիայի պատվավոր անդամ:
1982 թ. ՀԽՍՀ ԳԱ իսկական անդամ և Միջուկային հետազոտությունների միացյալ ինստիտուտի պատվավոր դոկտոր: