Գեղամ Գրիգորի Գևորգյանը ծնվել է 1958թ.ապրիլի 29-ին Երևանում ծառայողի ընտանիքում։

1975թ. ոսկե մեդալով ավարտել է ԵՊՀ-ին կից ֆիզմաթ. թեքումով գիշերօթիկ դպրոցը։ Գ.Գ. Գևորգյանը 1975-1980թթ. սովորել է Երևանի պետական համալսարանի մեխանիկամաթեմատիկական ֆակուլտետում, եղել է Լենինյան թոշակառու և դեռևս ուսանողական տարիներին հրատարակման է ներկայացրել երեք հոդված։ Նրանցից մեկը՝ «Չափելի ֆունկ ցիաների ներկայացումը մարտինգալներով» արժանացել է մաթեմատիկայի գծով ԽՍՀՄ բարձրագույն և միջնակարգ մասնագիտական կրթության մինիստրության առաջին մրցանակին՝ «լավագույն ուսանողական գիտական աշխատանքի համար» մեդալով, արժանացել է նաև Համահայկական «Հայաստան» հիմնադրամի մրցանակին։

Ավարտելով ԵՊՀ-ի մեխմաթ. ֆակուլտետը,1980 թվականից աշխատել է համալսարանում, նախ որպես լաբորատորիայի վարիչ, 1984թ.՝ դոցենտ, 1992թ.- ից՝ պրոֆեսոր, 1997թ.-ից` ամբիոնի վարիչ։

Գ.Գ. Գևորգյանը 1982թ. ՀԽՍՀ ԳԱ մաթեմատիկայի ինստիտուտում պաշտպանել է թեկնածուական, 1992թ.՝ ԽՍՀՄ ԳԱ Վ.Ա.Ստեկլովի անվան մաթեմատիկական ինստիտուտում՝ դոկտորական թեզ, վերջինս բարձր գնահատականի է արժանացել գիտական խորհրդի կողմից։

1977-1988թթ. եղել է Երևանի քաղաքային խորհրդի պատգամավոր։ Տարբեր տարիներին եղել է ԼԿԵՄ կոմիտեի անդամ, կուսակցական բյուրոյի անդամ, ՀՀ ԳԱԱ խորհրդի նախագահ։

Գ.Գ. Գևորգյանը հայտնի մաթեմատիկոս է, իրական անալիզի խոշոր մասնագետ։ Նա հրապարակել է 70-ից ավելի գիտական աշխատանքներ, որոնք լայն ճանաչման են արժանացել նախկին ԽՍՀՄ-ում և արտասահմանում։ Նա ստացել է հիմնարար գիտական արդյունքներ և ստեղծել հետազոտման նոր մեթոդներ։ Նրա կողմից ստացված շատ արդյունքներ շարադրված են տարբեր երկրներում հրատարակված ակնարկային հոդվածներում և մենագրություններում, հիմք ծառայելով իրական անալիզի բնագավառում նոր հետազոտությունների համար։ Նրա ղեկավարությամբ կազմակերպվել է վեց միջազգային գիտաժողով, պաշտպանվել է վեց թեկնածուական թեզ, նա գիտահետազոտական խմբի ղեկավար է, նաև «ՀՀ ԳԱԱ տեղեկագիր։ Մաթեմատիկա» ամսագրի խմբագրության անդամ, «Proceedings of YSU» հանդեսի խմբագրական կոլեգիայի անդամ, «Հետազոտական մաթեմատիկա» հիմնադրամի խորհրդի անդամ:

Գ.Գ. Գևորգյանի աշխատանքների առաջին ցիկլը նվիրված է օրթոգոնալ շարքերի հարաբերական միակության բազմությունների հետազոտմանը։ Նա ապացուցել է, որ կա մայական լրիվ օրթոգոնալ համակարգի համար գոյություն ունի կամայական փոքր չափի Up- բազմություն, որով տրվել է իտալացի մաթեմատիկոս Լ. Գոլզանիի մի խնդրի լուծումը։ Նրա կողմից դասակարգված է ըստ Հաարի, Ուօլշի և եռանկյունաչափական համակարգերի համար Up, 1<р<2 և Uε բազմությունները։ Նման հետազոտություններ կատարված են նաև Ֆուրիեի ձևափոխության և Ֆուրիեի ինտեգրալների համար։

Գ.Գ. Գևորգյանի աշխատանքների հաջորդ ցիկլը նվիրված է Ֆրանկլինի շարքերի հետազոտմանը։ Այդ օրթոնորմալ համակարգը, որը կարևոր կիրառություններ ունի ժամանակակից մաթեմատիկայի արդիական մի շարք բնագավառներում (ֆունկցիոնալ անալիզ, հարմոնիկ անալիզ, վեյվլետներ) 60-ական թվականներից սկսած հետազոտվել էր որոշ մաթեմտիկոսների կողմից։ Գ.Գ. Գևորգյանի աշխատանքները էական առաջընթաց են այդ բնագավառում և որոշ հարցեր ստացել են իրենց վերջնական լուծումը։ Մասնավորապես, լուծվել են Լեհաստանի գիտությունների ակադեմիայի ակա դեմիկոս Զ. Չիսելսկու և այլոց կողմից դրված և մաթեմատի կական գրականության մեջ լավ հայտնի խնդիրները ըստ Ֆրանկլինի համակարգի տեղաշարժի օպերատորի, Ֆրանկլինի շարքերի ոչ պայմանական զուգամիտության և ReHp տարածությունների նկարագրության վերաբերյալ։

Գ.Գ. Գևորգյանի աշխատանքների երրորդ ցիկլը նվիրված է միաչափ և բազմաչափ եռանկյունաչափական շարքերի և ինտեգրալների միակության տեսությանը, որի հիմնախնդիրներն են հռչակավոր մաթեմատիկոսներ Կանտորը, Վալլե-Պուսենը, Դանժուան, Մենշովը և այլոք։ Ի տարբերություն նրանց կողմից ստացված դասական արդյունքների, որոնցում հետազոտվում էին ամենուրեք զուգամիտող շարքեր, Գ.Գ. Գևորգյանի աշխատանքներում առաջին անգամ հետազոտված են համարյա ամենուրեք զուգամիտող շարքեր, որոնց համար կիրառելի չեն նախկինում մշակված մեթոդները։ Գ.Գ. Գևորգյանի կողմից ստացված նոր տիպի միակության թեորեմները, որոնք ունեն վերջնական բնույթ, ի տարբերություն նախկինում հայտնի արդյունքների, պարունակում են նաև պնդումներ Ֆուրիեիշարքերի վերաբերյալ։ Մասնավորապես պարզված է մեծ հետաքրքրություն ներկայացնող հարցն այն մասին, թե ինչ պայմանների դեպքում եռանկյունաչափական շարքը կլինի Ֆուրիեի շարք։ Նման հետևանքներ ստացվել են նաև Ֆուրիեի ինտեգրալների համար։ Լուծված է ընդհանուր խնդիրն այն մասին, թե որ ֆունկցիաներն են հանդիսանում Ֆուրիեի ձևափոխություններ։

Գ.Գ. Գևորգյանի աշխատանքների հաջորդ ցիկլը նվիրված է Ֆրանկլինի ընդհանուր շարքերի հետազոտմանը։ Այդ աշխատանքները նա հիմնականում կատարել է Ա. Կամոնտի և իր աշակերտների համահեղինակությամբ։ Մասնավորապես, ստացվել են պարզ երկրաչափական նկարագրություններ Ֆրանկլինի ընդհանուր համակարգը ծնող տրոհումների համար, որոնց դեպքում Ֆրանկլինի ընդհանուր համակարգը կլինի բազիս կամ ոչ պայմանական բազիս ReH1 տարածությունում։ Ապացուցվել է, որ ցանկացած թույլատրելի տրոհումով ծնված Ֆրանկլինի ընդհանուր համակարգը ոչ պայմանական բազիս է Lp [0;1]-ում, 1

Գիտահետազոտական ակտիվ աշխատանքի հետ միասին Գ.Գ. Գևորգյանը նաև նշանակալից մանկավարժական աշխատանք է կատարել որպես Երևանի պետական համալսարանի մաթեմատիկական անալիզի ամբիոնի վարիչ։ Նա կարդում է հիմնական և մասնագիտական դասընթացներ, ղեկավարում դիպլոմային աշխատանքներ, գիտական խմբի ղեկավար է։ Նա վեց դպրոցական դասագրքի հեղինակ է (համահեղ.՝ Ա.Ա. Սահակյան)։ Նրա ղեկավարությամբ պաշտպանվել է երեք թեկնածուական թեզ։