Ալեքսանդր Անդրանիկի Թալալյանը ծնվել է 1928 թ. սեպտեմբերի 22-ին ՀՀ Ախուրյանի շրջանի Գետք գյուղում ծառայողի ընտանիքում։ Վախճանվել է 2016 թվականի օգոստոսի 9-ին:
1946 թ. Գյումրիի (նախկին՝ Լենինական քաղաքի) միջնակարգ դպրոցի շրջանավարտ։
1946-1951թթ. Երևանի պետական համալսարանի ֆիզիկա մաթեմատիկական ֆակուլտետի ուսանող։
1948-1956թթ. ՀամԼԿԵՄ անդամ։
1951-1952 թթ. Եպհ-ի մաթեմատիկական անալիզի ամբիոնի ասիստենտ։
1952-1956 թթ. ԽՍՀՄ ԳԱ-ի Վ.Ա.Ստեկլովի անվ. մաթեմատիկական ինստիտուտի ասպիրանտ։
1956 թ. Թեկնածուական թեզի պաշտպանություն։
1956-1971 թթ. ՀՍՍՀ ԳԱ-ի Մաթեմատիկայի և մեխանիկայի ինստիտուտի կրտսեր և 1958թ.-ից ավագ գիտաշխատող։
1957-1970 թթ. Եպհ-ի ֆունկցիաների տեսության ամբիոնի դոցենտ, ապա, 1965թ.-ից՝ պրոֆեսոր (համատեղության կարգով)։
1962 թ. Դոկտորական թեզի պաշտպանություն(Ստեկլովի անվ. մաթեմատ. ինստ.-ում)։
1965 թ. Հայաստանի ԳԱ թղթակից անդամ։
1964 թ.Գիտական գործուղում Լեհաստան ԽՍՀՄ ԳԱ պատվիրակության կազմում միջազգային գիտաժողովին մասնակցելու համար և 1983 թ.՝ Բանախի անվան միջազ. Կենտրոնի հրավերով։
1960 թ., 1983 թ. Գիտական գործուղում Հունգարիա։
1970 թ. Գործուղում Ֆրանսիա գիտական տուրիզմի գծով, մաթեմատիկայի համաշխարհային գիտաժողովի աշխատանքներին մասնակցելու համար։
1970-1973 թթ. – Եպհ-ի մեխանիկա-մաթեմատիկական ֆակուլտետի դեկան։
1972-2013 թթ. –ՀԽՍՀ ԳԱ-ի Մաթեմատիկայի ինստիտուտի Իրական անալիզի բաժնի վարիչ (համատեղության կարգով)։
1973-1988 թթ. – ՀԽՍՀ ԳԱ-ի Մաթեմատիկայի ինստիտուտի Իրական անալիզի բաժնի վարիչ,
–Եպհ-ի ֆունկցիաների տեսության ամբիոնի պրոֆեսոր (համատեղության կարգով)։
1981թ. – Գիտական գործուղում Բուլղարիա (Մոտավորություն ների տեսության միջազգ. Գիտաժող.-ին մասնակցելու համար։
1983 թ. Գիտական գործուղում Հունգարիա։
1988-1991 թթ. Եպհ-ի մաթեմատիկայի ֆակուլտետի դեկան և մաթեմատիկական անալիզի ամբիոնի վարիչ։
1991-1996 թթ. – ՀՀ ԳԱԱ Մաթեմատիկայի ինստիտուտի տնօրեն,
–Երևանի պետական համալսարանի պրոֆեսոր (համատեղության կարգով)։
1994 թ. ընտրվեց ՀՀ ԳԱԱ ակադեմիկոս։