Գևորգ Բեգլարի Ջահուկյանը ծնվել է 1920 թ.ապրիլի 1-ին Կալինինոյի շրջանի Շահնազար (այժմ՝ Տաշիրի շրջանի Մեծավան) գյուղում։ Վախճանվել է 2005 թ. հուլիսի 6-ին Երևանում։:
1937 թ. ավարտել է Երևանի Շահումյանի անվան միջնակարգ դպրոցը։
1941 թ. ավարտել է Երևանի պետական համալսարանի բանասիրական ֆակուլտետը։
1942-1943 թթ. ծառայել է Խորհրդային բանակում։
1945- 2005 թթ. դասավանդել է Երևանի պետական համալսարանում (1945-1949 թթ. բանասիրական ֆակուլտետի ավագ դասախոս,1948-1957 թթ. օտար լեզուների ամբիոնի վարիչ, 1957-1970 թթ. ռոմանագերմանական բանասիրության ամբիոնի վարիչ, 1970-2005 թթ. ընդհանուր լեզվաբանության ամբիոնի պրոֆեսոր)։
1947 թ. շնորհվել է բանասիրական գիտությունների թեկնածուի գիտական աստիճան։
1949-1950 թթ. ՀՍՍՀ ԳԱ Հ.Աճառյանի անվան Լեզվի ինստիտուտի ավագ գիտաշխատող։
1949 թ. ստացել է դոցենտի գիտական կոչում։
1955 թ. շնորհվել է բանասիրական գիտությունների դոկտորի գիտական աստիճան։
1958 թ. ստացել է պրոֆեսորի գիտական կոչում։
1959-1962 թթ. ՀՍՍՀ ԳԱ Հ.Աճառյանի անվան Լեզվի ինստիտուտի ավագ գիտաշխատող։
1962-2005 թթ. Հայաստանի գիտությունների ազգային ակադեմիայի Հ. Աճառյանի անվան լեզվի ինստիտուտի տնօրեն։
1965 թ. շնորհվել է Հայաստանի Հանրապետության գիտության վաստակավոր գործչի կոչում։
1968 թ. ընտրվել է Հայաստանի գիտությունների ակադեմիայի թղթակից անդամ։
1970 թ. պարգևատրվել է « Աշխատանքային արիության համար» մեդալով։
- Պարգևատրվել է Մխիթարյան միաբանության հոբելյանական արծաթե մեդալով։
1974 թ. ընտրվել է Հայաստանի գիտությունների ակադեմիայի ակադեմիկոս։
- Ընտրվել է Եվրոպայի լեզվաբանական ընկերության անդամ։
1974-2005 թթ. Հայաստանի Հանրապետության գիտությունների ազգային ակադեմիայի փիլիսոփայության և բանասիրության բաժանմունքի ակադեմիկոս քարտուղարի տեղակալ։
1976 թ. պարգևատրվել է «Պատվո նշան» շքանշանով։
1979 թ. գիտական գործուղում Իտալիա, ԱՄՆ։
1980 թ. ընտրվել է ԱՄՆ-ի լեզվաբանական ընկերության անդամ։
- Պարգևատրվել է Հայաստանի Գերագույն խորհրդի նախագահության պատվոգրով։
- Պարգևատրվել է Մաշտոցի անվան Մատենադարանի «Մեսրոպ Մաշտոց» հուշամեդալով։
1980-2005 թթ. «Հայ լեզվաբանության տարեգիր» (Annual of Armenian linguistics (USA) պարբերական հանդեսի խմբագրական կոլեգիայի անդամ։
1981 թ. պարգևատրվել է Հայաստանի ԳԱ «Վաստակագրով»։
1985 թ. պարգևատրվել է ՍՍՀՄ Ժողովրդական տնտեսության նվաճումների ցուցահանդեսի արծաթե մեդալով։
1986 թ. պարգևատրվել է Հոկտեմբերյան հեղափոխության շքանշանով։
1987 թ. արժանացել է Հայկական ՍՍՀ պետական մրցանակի «Հայոց լեզվի պատմություն. նախագրային ժամանակաշրջան» մենագրության համար։
1988-1993 թթ. «Вопросы языкознания» հանդեսի խմբագրական խորհրդի անդամ։
1990 թ. պարգևատրվել է Երևանի պետական համալսարանի մեդալով՝ գիտական ուսումնասիրության բնագավառում ձեռք բերած նվաճումների համար։
- Ստացել է Հայաստանի ԳԱ «Մեծարման գիր»։
1990-2005 թթ. «Studia indogermanica» հանդեսի գիտական խորհրդատու։
1994 թ. շնորհվել է Համազգային հայ կրթական և մշակութային միության մրցանակ՝ «Հայոց լեզվի տեսության և պատմության հիմնահարցերը» աշխատության համար։
1995 թ. Արժանացել է ՀՀ գիտության ազգային մրցանակի։