Գրիգոր Մարգարի Ղարիբյանը ծնվել է 1924 թ. դեկտեմբերի 13-ին Թբիլիսիում: Վախճանվել է 1991 թ. հունիսի 9-ին Երևանում:
1943 թ. ավարտել է Բաքվի թիվ 16 միջնակարգ դպրոցը:
1948 թ. ավարտել է Մոսկվայի Մ.Վ. Լոմոնոսովի անվան պետական համալսարանի Ֆիզիկայի ֆակուլտետը:
1948-1951 թթ. Հայկական ՍՍՀ ԳԱ ֆիզիկայի ինստիտուտի ասպիրանտ:
1951-1964 թթ. Երևանի համալսարանի ֆիզիկայի ֆակուլտետում կարդացել է դասական և քվանտային էլէկտրոդինամիկայի, էլեկտրոնային տեսության և հարաբերականության տեսության դասընթաց:
1952 թ. ստացել է ֆիզիկամաթեմատիկական գիտությունների թեկնածուի գիտական աստիճան:
1952-1958 թթ. ՀՍՍՀ ԳԱ ֆիզիկայի ինստիտուտի գիտքարտուղար:
1954 թ. արժանացել է ՍՍՀՄ ԳԱ նախագահության պարգևին` «Մեզոնների սպեկտրները տիեզերական ճառագայթում» աշխատության համար:
1959 թ. բարձր էներգիաների մասնիկների ֆիզիկայի գծով միջազգային կոնֆերանսի մասնակից /Կիև/:
1959-1965 թթ. ՀՍՍՀ ԳԱ ֆիզիկայի ինստիտուտի /1963 թվականից` ՍՍՀՄ ատոմային էներգիայի օգտագործման պետական կոմիտե Երևանի ֆիզիկայի ինստիտուտ/ գիտական աշխատանքի գծով դիրեկտորի տեղակալ:
1961 թ. ստացել է ֆիզիկամաթեմատիկական գիտությունների դոկտորի գիտական աստիճան:
1963 թ. ընտրվել է Հայկական ՍՍՀ ԳԱ թղթակից անդամ:
1965-1969 թթ. ՀՍՍՀ ԳԱ ռադիոֆիզիկայի և էլեկտրոնիկայի ինստիտուտի տեսության բաժնի վարիչ:
1965-1972թթ. ՀՍՍՀ ԳԱ ֆիզիկամաթեմատիկական գիտությունների բաժանմունքի ակադեմիկոս-քարտուղարի տեղակալ:
1966-1987 թթ. «Հայկական ՍՍՀ ԳԱ տեղեկագիր. Ֆիզիկա» հանդեսի պատասխանատու խմբագիր:
- Երևանի ֆիզիկայի ինստիտուտի լիցքավորված մասնիկների և նյութի փոխազդեցության լաբորատորիայի վարիչ:
1967 թ. գործուղվել է ԳՖՀ /Համբուրգ/ և Անգլիա /Մանչեստեր/:
1968 թ. գործուղվել է Ավստրիա /Վիեննա/ և Ֆրանսիա / Վերսալ/ բարձր էներգիաների ֆիզիկայի գծով միջազգային կոնֆերանսներին մասնակցելու նպատակով:
1969-1987 թթ. Երևանի ֆիզիկայի ինստիտուտի ֆիզիկամաթեմատիկական գիտությունների դոկտորի գիտական աստիճան շնորհող մասնագիտացված խորհրդի անդամ:
1970 թ. բարձր էներգիաների ֆիզիկայի սարքավորումներին նվիրված միջազգային կոնֆերանսի մասնակից:
- Պարգևատրվել է «Աշխատանքային արիության համար` ի նշանավորումն Վ.Ի. Լենինի ծննդյան 100-ամյակի» մեդալով:
1970-1973 թթ. Երևանի պետհամալսարանի ֆիզիկայի ֆակուլտետում կարդացել է «Արագ մասնիկների անցումը նյութի միջով» հատուկ դասընթաց:
1971 թ. ընտրվել է Հայկական ՍՍՀ ԳԱ իսկական անդամ:
- Պարգևատրվել է Աշխատանքային կարմիր դրոշի շքանշանով:
1972 թ. ընդունվել է ՍՄԿԿ շարքերը:
1973 թ. շնորհվել է պրոֆեսորի գիտական կոչում:
1973-1991 թթ. ՀՍՍՀ ԳԱ ֆիզիկամաթեմատիկական գիտությունների բաժանմունքի ակադեմիկոս-քարտուղար և նախագահության անդամ:
1974-1987 թթ. ՍՍՀՄ ԳԱ էլեկտրամագնիսական փոխազդեցությունների ֆիզիկայի գծով գիտական խորհրդի անդամ:
1977 թ. բարձր էներգիաների լիցքավորված մասնիկների անցումային ճառագայթմանը նվիրված միջազգային առաջին սիմպոզիումի մասնակից /Երևան/:
1981 թ. պարգևատրվել է Աշխատանքային կարմիր դրոշի երկրորդ շքանշանով:
1982 թ. պարգևատրվել է ՀՍՍՀ ԳԱ «Վաստակագրով»` գիտության զարգացման գործում ներդրած վաստակի համար:
1983 թ. բարձր էներգիաների մասնիկների անցումային ճառագայթմանը նվիրված համամիութենական երկրորդ սիմպոզիումի մասնակից /Երևան/:
1984-1987 թթ. ՀՍՍՀ ԳԱ ֆիզիկայի կիրառական պրոբլեմների ինստիտուտին առընթեր ֆիզիկամաթեմատիկական գիտությունների թեկնածուի գիտական աստիճան շնորհող մասնագիտացված խորհրդի նախագահ:
1984 թ. պարգևատրվել է Հայկական ՍՍՀ Գերագույն սովետի նախագահության շքանշանով: