Արամ Տիգրանի Ղանալանյանը ծնվել է 1909 թվականի փետրվարի 12-ին Ախալցխայում/Վրաստան/: Վախճանվել է 1983 թ. հունիսի 9-ին Երևանում:
1922 թ. ավարտել է Ախալցխայի յոթնամյա դպրոցը:
1925 թ. ավարտել է Թիֆլիսի թիվ 72 աշխատանքային միջնակարգ դպրոցը:
1931 թ. ավարտել է Երևանի պետական համալսարանի պատմալեզվագրական ֆակուլտետը:
1931-1933 թթ. դասավանդել է Երևանի հանրակրթական դպրոցներում։ 1932-1938 թթ. կրտսեր գիտական աշխատակից Հայաստանի կուլտուրայի պատմության, պատմության և գրականության ինստիտուտներում:
1934-1951 թթ. դասավանդել է Հայ ժողովրդական բանահյուսություն Երևանի Խ.Աբովյանի անվան հայկական մանկավարժական և (1936–1948) Հեռակա մանկավարժական ինստիտուտներում:
1935 թ. արժանացել է Մելքոնյան ֆոնդի մրցանակի` «Հայ շինականի աշխատանքի երգերը» ձեռագիր աշխատության համար:
1937-1941 թթ. դասախոսել է ԵՊՀ-ում:
1937-1943 թթ. ավագ գիտական աշխատակից ԽՍՀՄ ԳԱ հայկական մասնաճյուղի գրականության և լեզվի ինստիտուտում:
1938-1939 թթ.՝ ԽՍՀՄ ԳԱ հայկական մասնաճյուղի լեզվի և գրականության ինստիտուտի բաժնի վարիչ:
1939 թ. պարգևատրվել է Հայկական ՍՍՀ Գերագուն սովետի պատվոգրով` «Սասունցի Դավիթ» էպոսի համահավաք բնագրի «Դավիթ և Խանդութ» ու «Փոքր Մհեր» ճյուղերը պատրաստելու համար:
1942 թ. ստացել է բանասիրական գիտությունների թեկնածուի գիտական աստիճան:
1943 թ. շնորհվել է դոցենտի գիտական կոչում:
1943-1960 թթ.՝ ՀԽՍՀ ԳԱ Մանուկ Աբեղյանի անվան գրականության ինստիտուտի ժողովրդական բանահյուսության բաժնի վարիչ:
1946 թ. պարգևատրվել է «Աշխատանքային արիության համար» մեդալով:
1951 թ. պարգևատրվել է «Պատվո նշան» շքանշանով:
1953 թ. պարգևատրվել է Հայկական ՍՍՀ ԳԱ «Շնորհակալագրով»` «Ժողովրդական բանահյուսության մի քանի հարցեր» աշխատության համար:
1960-1983 թթ.` Հայկական ՍՍՀ ԳԱ Մ. Աբեղյանի անվ. գրականության ինստիտուտի ավագ գիտաշխատող:
1964 թ. մասնակցել է մարդաբանական և ազգագրական գիտությունների միջազգային 7-րդ կոնգրեսին /Մոսկվա/:
1965 թ. ընտրվել է ՀՍՍՀ ԳԱ թղթակից անդամ:
1965-1983 թթ. Հայկական ՍՍՀ ԳԱ «Պատմաբանասիրական հանդես» ամսագրի գլխավոր խմբագրի տեղակալ:
1967 թ. շնորհվել է Հայկական ՍՍՀ Գիտության վաստակավոր գործչի պատվավոր կոչում:
1970 թ. ստացել է բանասիրական գիտությունների դոկտորի գիտական աստիճան:
- Մատենադարանը ներկայացրել է պարգևատրման` «Մեսրոպ Մաշտոց» հուշամեդալով:
1970-1983 թթ. Հայկական սովետական հանրագիտարանի գրականության գիտաճյուղային խմբագրության անդամ:
1974 թ. պարգևատրվելէ Հայկական ՍՍՀ ԳԱ «Վաստակագրով»` գիտության բնագավառում ունեցած խոշոր վաստակի համար:
1977 թ. ընտրվել է ՀՍՍՀ ԳԱ ակադեմիկոս:

Սովետահայ բանագիտական դպրոցի ականավոր ներկայացուցիչ Արամ Տիգրանի Ղանալանյանը ծնվել է 1909 թ. փետրվարի 12-ին Ախալցխայում /Վրաստան/:

Յոթնամյա կրթությունն ստացել է հայրենի քաղաքում, ապա ուսումը շարունակել է Թիֆլիսի 72-րդ միջնակարգ աշխատանքային դպրոցում, որն ավարտել է 1925 թվականին: 1924-1926 թթ. բանաստեղծություններ է տպագրել «Կարմիր ծիլեր» ամսագրում և «Մարտակոչ» թերթի հավելված «Գրական շաբաթ»-ում` Աղանի և Արամ Արման ծածկանուններով:

1927 թ. Ա. Ղանալանյանն ընդունվում է Երևանի պետական համալսարանի պատմալեզվագրական ֆակուլտետը: Այստեղ սովորելիս նա առանձին հետաքրքրություն է ցուցաբերում հայ ժողովրդական բանահյուսության նկատմամբ և այդ առարկայի դասախոս Մանուկ Աբեղյանի ղեկավարությամբ խորամուխ լինում հայ բանագիտության մեջ: Համալսարանն ավարտելուց հետո` 1932-1943 թթ. Ա. Ղանալանյանը աշխատել է Հայաստանի կուլտուրայի պատմության, պատմության և գրականության, ապա ՍՍՀՄ գիտությունների ակադեմիայի հայկական մասնաճյուղի լեզվի և գրականության ինստիտուտներում` սկզբում իբրև կրտսեր, իսկ 1939 թվականից` իբրև ավագ գիտական աշխատակից:

Այդ տարիներին նա զբաղվել է բանագիտական տարբեր խնդիրների ուսումնասիրությամբ, գրի է առել «Սասնա ծռեր» ժողովրդական վեպի երկու նոր պատումներ, Մ. Աբեղյանի և Գ. Աբովի հետ միասին մասնակցել է «Սասունցի Դավիթ» հյուսվածո-համահավաք բնագիրը կազմելու աշխատանքներին, պատրաստել է «Դավիթ և Խանդութ» ու «Փոքր Մհեր» ճյուղերի բնագրերը, հրապարակել «Սասունցի Դավիթ» և «Սասունցի Դավթի» պատմիչների կյանքն ու ստեղծագործությունը» ուսումնասիրությունները, «Հայ շինականի աշխատանքի երգերը» գիրքը:

1943 թ. Ա. Ղանալանյանի նախաձեռնությամբ Հայկական ՍՍՀ ԳԱ գրականության ինստիտուտում ստեղծվում է հայ ժողովրդական բանահյուսության բաժինը, որի վարիչ է նշանակվում Ա. Ղանալանյանը և գլխավորում է այն մինչև կյանքի վերջը, շարունակում է աշխատել նույն ինստիտուտում` իբրև ավագ գիտական աշխատակից:

Արամ Ղանալանյանի գիտահետազոտական աշխատանքները հայ ժողովրդական բանահյուսության բնագավառում ընդգրկում են հետևյալ ուղղությունները` բանահյուսական նոր նյութերի հայտնաբերում և գրառում, բանահյուսական նյութերի գիտական համահավաք թեմատիկ ժողովածուների պատրաստում, բանահյուսության պատմության ու տեսության հարցերի լուսաբանում, ժողովրդական բանահուսության և գրականության փոխադարձ կապերի բացահայտում: Դեռևս ուսանողական տարիներին Մ. Աբեղյանի հանձնարարությամբ Ա. Ղանալանյանը պատրաստում է հայ ժողովրդական բանահյուսության մատենագիտություն, ապա և գրի առնում ժողովրդական բանահուսության նմուշներ /«Սասնա ծռեր» էպոսի նոր պատումներ, աշխատանքային երգեր, առածներ ու ասացվածքներ, ավանդություններ և այլն/:

Արամ Ղանալանյանը առանձնապես կարևորում է բանահյուսության չուսումնասիրված տեսակների հետազոտությունը: Այդօրինակ աշխատություններից են «Հայ շինականի աշխատանքի երգերը», «Առածանի», «Ավանդապատում» գրքերը, որոնցից յուրաքանչյուրը ներկայացնում է գիտական համահավաք թեմատիկ ժողովածու, ուր ներառված են բանահյուսական տվյալ տեսակին վերաբերող առկա բոլոր բնագիր-նյութերը / նախկինում հրապարակված և իր կողմից առաջին անգամ գրառած/` գիտականորեն խմբավորված, դասակարգված և համակողմանիորեն ուսումնասիրված: «Հայ շինականի աշխատանքի երգեր» գրքի «Ներածական» խորագրով ծավալուն ուսումնասիրության մեջ հեղինակը ժողովրդական երգերի մեջ տարբերակում է աշխատանքի երգերը` իբրև անմիջականորեն աշխատանքի, արտադրական պրոցեսների հետ կապված երգեր, որոնք ծնունդ են առել մարդու արտադրական գործունեության հետ միասին և շարունակվել են նաև հետագայում: Նրանց դերը եղել է` աշխատանքային շարժումների ռիթմականացման միջոցով թեթևացնել արտադրական պրոցեսները, տնտեսել աշխատավորների եռանդը:

Գյուղական աշխատանքի երգերի մեջ ուսումնասիրողը դասդասում է մի շարք ենթատեսակներ, որոնք իրարից տարբերվում են ներքին բովանդակությամբ, արտաքին կառուցվածքով, մեղեդու, երաժշտական ռիթմի և այն աշխատանքի համեմատությամբ, որին նրանք զուգակցվում են: Ըստ այս հատկանիշների էլ աշխատանքի երգերը նա խմբավորում է հետևյալ տեսակների մեջ. Հորովելներ /գութանի և չութի երգեր/, սերմնացանի երգ-աղոթքներ, տափանի, հնձի երգեր, սայլի / սայլվորի / երգեր, քաղհանի, չանաքի երգեր, կալի, կովկիթի, խնոցու, սանդերքի, գզրոցի և այլ երգեր: «Ներածականում» քննվում են աշխատանքի երգերի մեղեդու և ռիթմի հարցերը, բովանդակության սոցիալական և մյուս մոտիվները, հայ շինականի աշխատանքի երգերի գրական տեսակները կամ մշակումները և այլն:

Գրքի երկրորդ մասը կազմում են աշխատանքի երգերի բնագրերը` քաղված բանահյուսական ժողովածուներից, պարբերական մամուլի Էջերից և գիտնականի`1929-1935 թթ. ընթացքում գրի առած նմուշներից, որոնք դասավորված են ըստ իր իսկ կողմից բացահայտված ենթատեսակների:

Հայ շինականի աշխատանքի երգերն առաջին անգամ էին ի մի հավաքվում, առավել ևս` առաջին անգամ ամբողջական, բազմակողմանի և խոր հետազոտության նյութ դառնում: Գիրքը դեռևս ձեռագիր վիճակում, 1935 թ., արժանացել է Մելքոնյան ֆոնդի մրցանակին: Ա. Ղանալանյանի պատրաստած բանահյուսական նյութերի գիտական համահավաք թեմատիկ ժողովածուներից երկրորդը 1951 թ. լույս ընծայած «Հայկական առածանին» է, որ բովանդակում է հայկական առածների ու ասացվածքների հնարավոր ամբողջությունը` գիտականորեն դասդասված ու խմբավորված, և նրանց ամենամանրակրկիտ, բազմակողմանի խոր ուսումնասիրությունը, ուր վերլուծվում են հայ ժողովրդական առածների բովանդակությունն ու արվեստը: Առածներն ու ասացվածքները ժողովրդական բանահյուսության ամենատարածված ստեղծագործություններն են, գործ են ածվում ամեն առիթով ու ամեն ժամանակ, և դրա պատճառն այն է, որ անմիջական պատասխան են տալիս ժողովրդին հուզող բոլոր հարցերին: Դրանք, գիտնականի բնորոշմամբ` «պատկերավոր ու սեղմ ասույթներ են սոցիալական կյանքի, մարդկային բարքի և ժողովրդական կենցաղի ամենաբազմազան երևույթների վերաբերյալ»: Լինելով վիպական ժանրին պատկանող ստեղծագործություններ` «ի տարբերություն նույն վիպական ժանրի մյուս ստեղծագործությունների, որոնց մեջ կյանքի երևույթներն ու հարաբերությունները պատկերվում են ավելի կամ նվազ ծավալուն սյուժեի միջոցով, առածների ու ասացվածքների մեջ այդ արվում է չափազանց սեղմ բանաձև-ընդհանրացումներով»: Հետազոտողը բացահայտում է նաև առածների ու ասացվածքների տարբերությունը: Եթե առաջինները այլաբանական ստեղծագործություններ են, որոնց բուն միտքն արտահայտված է անուղղակի կերպով, ապա երկրորդները իրականությունը վեր են հանում ուղղակի ձևով: Առածների ու ասացվածքների այս բնութագիրը առաջին անգամ հայ գրականության մեջ տվել է Արամ Ղանալանյանը:

Առածներն ու ասացվածքները հորինվել ու պահպանվել են ժողովրդի գոյության ողջ ընթացքում: Դժվար, երբեմն էլ անհնարին է որոշել, թե որ առածը կամ ասացվածքը երբ է ստեղծվել, քանի որ դրանք «ընդհանրապես իբրև բանավոր ստեղծագործություններ, տեղեկանք չունեն իրենց հորինման ժամանակի վերաբերյալ», մանավանդ որ «այլաբանական հորինվածքներ են, սյուժե չունեն և արտահայտված են ծայրաստիճան սեղմ ձևի մեջ: Առածների ստեղծման ժամանակը որոշելու համար անհրաժեշտ է ճեղքել նրանց այլաբանական կեղևը, թափանցել նրանց բովանդակության խորքը, նկատի առնել վերջինիս մեջ եղած համապատասխան ուղղակի և անուղղակի տվյալներն ու ակնարկները»: Եվ ահա, Արամ Ղանալանյանին հաջողվել է իսկապես ճեղքել այդ այլաբանական կեղևը, թափանցել բազմաթիվ առածների ու ասացվածքների բովանդակության խորքը, որոշել նրանց հորինման ժամանակը, ցույց տալ հայ ժողովրդի քաղաքական կյանքի, հոգեկան նկարագրի և միջավայրի արտացոլումը առածների մեջ, ջոկել ինքնուրույն, ընդհանուր և փոխառյալ առածները, պարզաբանել նրանց լեզվի ու արվեստի հարցերը:

Գրքի երկրորդ բաժինը առածների ու ասացվածքների ժողովածուն է, որի նյութերը առնված են ազգագրական, գրական և այլ կարգի պարբերականներից, հայ գրողների երկերից, բանահյուսական ու ազգագրական տպագիր ու ձեռագիր ժողովածուներից և հեղինակի գրառումներից: Արամ Ղանալանյանը մշակել է ժողովածուի մեջ առածների ու ասացվածքների դասավորման ուրույն եղանակ: Սովորաբար նման ժողովածուներում նյութը դասավորվել է այբբենական կարգով: Այս դեպքում իրար հաջորդում են թե իմաստով և թե ընդհանրապես իրարից բոլորովին տարբեր առածներ և, ընդհակառակը, իրարից հեռացվում են այնպիսիք, որոնք սիզբնատառով տարբեր լինելով, իմաստով նույնական են: Այբբենական մեթոդը, այսպիսով, դժվար օգտագործելի է դարձնում ժողովածուի նյութը: Եթե հայտնի չէ փնտրվող իմաստի առածի սկզբնատառը, ապա այն գտնելու համար պետք է նայել գրեթե ողջ ժողովածուն: Այս մեթոդի մյուս թերությունն այն է, որ միևնույն առածի` տարբեր տառերով սկսվող նմանակներն ու փոփոխակները ցրվում են ժողովածուի տարբեր մասերում, դժվարացնելով նրանց կրած զարգացումն ու փոփոխությունները դիտելը: Ղանալանյանը մերժել է նաև առածների դասավորման առարկայական-անվանական եղանակը, որ տարածված է եղել եվրոպական մի շարք երկրներում: Այս եղանակի հիմնական թերությունը միևնույն թեմային վերաբերող առածների ցրումն է տարբեր տեղերում և տարբեր անունների տակ, ինչպես և սոցիալական մոտեցման բացակայությունը:

Հրաժարվելով այբբենական ու առարկայական եղանակներից, իր գրքում Ա. Ղանալանյանը առածներն ու ասացվածքները դասակարգել է իր իսկ մշակած մեթոդով` ըստ նրանց հիմնական իմաստի և սոցիալական բովանդակության, ինչը լավագույնս իրականացված է «Հայկական առածանի» գրքում:

1960 թ. «Հայկական առածանին» հրատարակվեց երկրորդ անգամ` «Առածանի» խորագրով: Այստեղ կատարված է ժողովածուի բաժինների վերադասավորում և ավելացված է մի ամբողջ բաժին` «Լրացում» վերնագրով, որ պարունակում է շուրջ 600 նոր առած-ասացվածք: «Առածանին» ի տարբերություն նախորդ հրատարակության, ունի մանրամասն առարկայական ցանկ, իմաստային-թեմատիկ ու անվանական ուղեցույց ցանկեր, որտեղ վերծանված ու բացահայտված են բոլոր առածների այլաբանական նշանակությունները: Այդ ցանկերը հեշտացնում են համապատասխան առածների ու ասացվածքների որոնումն ու օգտագործումը:

Թեմատիկ երրորդ ժողովածուն` «Ավանդապատումը», բովանդակում է ավելի քան 900 ավանդություն` 400 տարբերակով, որ տասնամյակների ընթացքում քաղվել են հարյուրավոր տպագիր ու ձեռագիր զանազան աղբյուրներից` միջնադարյան մատենագիրների երկերից, ազգագրական, բանահյուսական ժողովածուներից, հնախոսական, տեղագրական և ուղեգրական աշխատություններից: Ամբողջ նյութը տեղադրված է 2 բաժնում` ստուգաբանական-բացատրական ավանդություններ / 11 ենթաբաժիններով/, և վարքագրական ավանդազրույցներ / 4 ենթաբաժիններով/: Բնագրին նախորդում է ընդարձակ «Ուսումնասիրությունը», ուր հեղինակը տարբերազատելով ավանդությունները բանարվեստի մյուս տեսակներից, բնորոշում է դրանք որպես բանավոր արձակի փոքր ծավալի ստեղծագործություններ, որոնց մեջ արտացոլված են երկրի բնաշխարհի բնորոշ առանձնահատկությունները` սերտորեն կապված ու զուգորդված ժողովրդական հավատալիքների, ժողովրդի կենցաղի, նրա սոցիալ-տնտեսական, աշխատանքային, հասարակական, քաղաքական, մշակութային կյանքի երևույթների ու հասկացությունների հետ: Ուսումնասիրության մեջ հանգամանորեն պարզաբանվում են ավանդությունների տեսակները, ժանրային առանձնահատկությունները, նրանց պատմական ու ճանաչողական, ինչպես և գաղափարական ու գեղարվեստական արժեքը, ապա մանրամասն ու համակողմանիորեն քննարկվում են հայոց ազգային ավանդությունները:

Արամ Ղանալանյանին զբաղեցրել են բանագիտական ուրիշ խնդիրներ ևս: Նրա ուշադրության կենտրոնում է եղել հայ ժողովրդական էպոսը` «Սասունցի Դավիթը»: Բացի էպոսի նոր պատումներ գրի առնելուց, նա զբաղվել է նաև էպոսի ուսումնասիրությամբ և հրատարակել է «Սասունցի Դավիթը» և «Սասունցի Դավթի» պատմիչների կյանքն ու ստեղծագործությունը» աշխատությունները: Նրա մի շարք աշխատություններ նվիրված են բանագիտության տեսության և պատմության հարցերին, ինչպես` «Ժողովրդական բանահյուսության մի քանի հարցեր», «Գարեգին Սրվանձտյան», «Մանուկ Աբեղյանի կյանքն ու գործունեությունը» և այլն:

Գիտահետազոտական աշխատանքներին զուգընթաց Արամ Ղանալանյանը երկար տարիներ զբաղվել է նաև գիտամանկավարժական գործունեությամբ: 1934-1951 թթ. նա Երևանի Խ. Աբովյանի անվան և հեռակա մանկավարժական ինստիտուտներում, Երևանի պետական համալսարանի բանասիրական ֆակուլտետում կարդացել է հայ ժողովրդական բանահյուսություն առարկան` վայելելով իր սաների սերն ու համակրանքը: Ստեղծելով հայ բանագիտության մշակված դասընթաց` նա 1945-1946 թթ. հրատարակել է այդ դասընթացի 4 պրակներ / բուհական ձեռնարկի իրավունքով/: Բանագետների 60-ական թվականների սերնդի ներկայացուցիչները մեծ մասամբ եղել են Արամ Ղանալանյանի ուսանողներն ու ասպիրանտները, գիտությունների թեկնածուի ու դոկտորի գիտական աստիճաններ են ստացել նրա ղեկավարությամբ: 1965-1983 թթ. Արամ Ղանալանյանը ՀՍՍՀ ԳԱ «Պատմաբանասիրական հանդեսի» գլխավոր խմբագրի տեղակալն է եղել` մեծ սիրով ու նվիրածությամբ կատարելով իր պարտականությունները, խորհուրդներով օգնելով երիտասարդ մասնագետներին:

Հայագիտության երախտավորը, գիտության նվիրյալը միաժամանակ ազնիվ ու անաչառ քաղաքացու կերպար էր:

Ուսումնասիրվում է ժողովրդական բանահյուսությունը //Ավանգարդ.- 1934.- Թիվ 278.- 5 դեկտեմբերի.- Էջ 4:



Գյուղական աշխատանքային մոտիվները Ղ. Աղայանի յև Հովհ. Թումանյանի յերգերում //Գրական թերթ.- 1935.- Թիվ 15.- 30 հունիսի.- Էջ 4:

Ժամանակակից հայ ժողովրդական յերգը //Գրական թերթ.- 1935.- Թիվ 29.- 29 նոյեմբերի.- Էջ 6:



Գորկին յև ժողովրդական բանահյուսությունը //Գրական թերթ.- 1936.- Թիվ 17.- 30 հունիսի.- Էջ 2:

Թլոլ Դավիթ /Պատմեց Սպարկերտցի Փառիկ; Գրի առավ 1933թ. Արամ Ղանալանյան.- «Սասնա ծռեր»: Հ. 1.- Երևան, 1936.- Էջ 815-830:

Հ. Թումանյանը ժողովրդական բանահյուսության մասին //Գրական թերթ.- 1936.- Թիվ 8.- 31 մարտի.- Էջ 3:

Հայ շինականի աշխատանքային երգերը (Ուսումնասիրության փորձ) //Տեղեկագիր ՀԽՍՀ պատմության և գրականության ինստիտուտի.- 1936.- Գիրք 1.- Էջ 126-172:

Սասնա ծռեր: Հ. 1. /Խմբ.՝ Մ. Աբեղյան, Կ. Մելիք-Օհանջանյան.- Երևան, 1936:
    Գրախոսություն: Հոյակապ հատոր //Գրական թերթ, 1936.- Թիվ 14.- 10 հունիսի.- Էջ 2:

Ов. Туманян о народном творчестве //Литературная газета.- 1936.- 11 апреля.

Ов. Туманян о народном творчестве //Заря Востока.- 1936.- № 85.- 11 апреля.- С. 3.

Современная армянская народная песня //Заря Востока.- 1936.- № 9.- 11 января.- С. 4.



Հայ շինականի աշխատանքի յերգերը .- Երևան, 1937.- Էջ 9-46.- Աշխատանքի երգի մասին ընդհանրապես: [Առաջաբան]:

Հայ շինականի աշխատանքի յերգերը /Կազմ. և խմբ.՝ Ա. Տ. Ղանալանյան.- Երևան: Պետհրատ, 1937.- 267 Էջ․- Ժողովրդական բանահյուսություն ։ Ժողովրդական յերգեր, Հ. Բ:

Հեքյաթներ, բանաստեղծություններ, արձակ եջեր: Միհատորյակ մանուկների յեվ պատանիների համար /Ա. Ս. Պուշկին; Ծանոթություններ՝ Ա. Տ. Ղանալանյան.- Յերևան: Պետհրատ, 1937.- Էջ 193-202․- Հեքյաթներ; Պուշկինի հեքյաթները հայ գրողների թարգմանությամբ:

Ֆրիկ: ժողովածու.- Երևան: Պետհրատ, 1937.- Էջ 95-136.- Ֆրիկի կյանքն ու ստեղծագործությունները (Ընդհանուր ակնարկ):

Ֆրիկ: ժողովածու /Տեքստը հրատ․ պատրաստեցին Ա․ Ղանալանյան, Ե․ Թորոսյան.- Երևան: Պետհրատ, 1937.- Էջ 143-207.- Ֆրիկի տաղերը:
Ժողովրդական բառ ու բանը Սունդուկյանի յերկերում //Գրական թերթ.- 1937.- Թիվ 18.- 12 հունիսի.- Էջ 2:

Խորհրդային հայկական ֆոլկլորը //Գրական թերթ.- 1937.- Թիվ 37.- 29 նոյեմբերի.- Էջ 4:

Ղ. Աղայանը և ֆոլկլորը //Գրական թերթ.- 1937.- Թիվ 4․- 20 փետրվարի.- Էջ 4:

Պուշկինը և ֆոլկլորը(Մահվան 100-ամյակի առթիվ) //Խորհրդային Հայաստան.- 1937.- Թիվ 28․- 4 փետրվարի․- Էջ 3:

Պուշկինի հեքիաթները հայ գրողների թարգմանությամբ //Խորհրդային գրականություն.- 1937.- № 2.- Էջ 245-248:

Ֆրիկը և ժողովրդական ստեղծագործությունը //Գրական թերթ.- 1937.- Թիվ 17.- 6 հունիսի.- Էջ 2:


Ֆրիկի տաղերի արվեստը //Գրական թերթ.- 1937.- Թիվ 24.- 6 օգոստոսի.- Էջ 4:

1938

Աղայանի «Անահիտը»//Տեղեկագիր ՀՍԽՀ պատմության և գրականության ինստիտուտի.- 1938.- Գիրք 1.- Էջ 131-140:

Ժողովրդական վեպը: ["Սասնա ծռերի" մասին] //Ավանգարդ.- 1938.- Թիվ 266.- 20 նոյեմբերի.- Էջ 2:

Նմուշներ հայկական հակակրոնական ֆոլկլորից: (Ժողովածու) /Կազմ. և խմբ. Ա. Ղանալանյան.- յԵրևան: Արմֆան, 1938.- IX-XXIII, 126 Էջ:

Նմուշներ հայկական հակակրոնական ֆոլկլորից: (Ժողովածու) /Ներած․՝ Ա. Ղանալանյան.- յԵրևան: Արմֆան, 1938.- Էջ IX-XXIII.- Հակակրոնական մոտիվները հայկական ֆոլկլորում:

Պռոշյանը յև ժողովրդական բանահյուսությունը.- Երևան: ՀԽՍՀ ԳԱ, 1938.- 94 Էջ:

1939

Սասունցի Դավիթ: Հայկական ժողովրդական եպոս /Կազմ.՝ Մ. Աբեղյան, Ա․ Տ․ Ղանալանյան, Գ․ Աբով և ուրիշ.- Յերեվան : Հայպետհրատ, 1939․- 382 էջ։

Սասունցի Դավիթ //Գրական թերթ.- 1939.- Թիվ 20.- 20 հուլիսի.- Էջ 2-3:

Սասունցի Դավիթ: Հայ ժողովրդական վեպ: Դասախոսություն՝ կարդացված Պետհամալսարանի լեկտորիումում 1938 թ․ դեկտեմբերի 18-ին.- Երևան: ԵՊՀ հրատ.- 1939.- 44 Էջ.- Գիտա-պոպուլյար սերիա; № 2:

"Սասունցի Դավիթ"-ի պատմիչների կյանքն ու ստեղծագործությունը //Խորհրդային գրականություն.- 1939.- № 8-9.- Էջ 39-56:

Великий армянский эпос: ["Давид Сасунский"] //Московский большевик.- 1939.- 14 сентября.

Давид Сасунский. Армянский народный эпос. Четыре ветви //Сводный текст, предил., сост. и подгот к печати М. Абегян, Г. Абов, А. Ганаланян; Под общей ред. И. А. Орбели; Пер.: В. В. Державина.- Ереван: Армгосиздат., 1939.- XXVIII, 386 с.- 16 л. ил.

1940

Գուսանական ժողովրդական տաղեր հայրեններ և անտունիներ: Ուրախության, սիրու, հարսանքի, որորոցի, լացի /Խմբ.՝ Մ. Աբեղյան.- Յերևան: Արմֆան, 1940․- 340 Էջ:
    Գրախոսություն: Гусанские народные песни //Коммунист.- 1940.- № 288.- 12 декабря.- С. 3.

1941

Աբովյանը և ժողովրդական բանահյուսությունը.- Երևան: Արմֆանի հրատ., 1941.- 141 Էջ:

Աղայանը և ժողովրդական բանահյուսությունը //Սովետական Հայաստան.- 1941.- № 80․- 4 ապրիլի.- Էջ 2:

Արշակի, Վասակի և այլոց հերոսապատումները //Սովետական գրականություն.- 1941.- № 12.- Էջ 76-81:

Ժողովրդական խաղիկներ: Գյուղական փոքր յերգեր իրենց փոփոխակներով /Խմբ.՝ Մ. Աբեղյան.- Երևան: Հայպետհրատ, 1940. – 584 էջ:
    Գրախոսություն: Ժողովրդական խաղիկներ // Բիբլիոգրաֆիական ամսագիր.- 1941.- № 1.- Էջ 70-71; Սովետական գրականություն .- 1941.- № 1.- Էջ 99-102:

Հայրենական կռիվները և նրանց հերոսները հայկական ֆոլկլորում //Սովետական գրականություն.- 1941.- № 9-10.- Էջ 62-65; № 11.- Էջ 76-80:

Ղ. Աղայանի հեքիաթները //Սովետական գրականություն.- 1941.- № 3.- Էջ 51-57; № 4.- Էջ 55-60:

Նալբանդյանը ժողովրդական բանահյուսության մեջ //Սովետական Հայաստան.- 1941.- № 88.- 13 ապրիլի.- Էջ 3:

Ժողովրդական խաղիկներ: Գյուղական փոքր յերգեր իրենց փոփոխակներով /Խմբ.՝ Մ. Աբեղյան.- Երևան: Հայպետհրատ, 1940. – 584 էջ:
    Рецензия: Ценный труд //Коммунист.- 1941.- № 78.- 3 апреля.- С. 3:

1942

Հայ ժողովրդի հերոսապատումները.- Երևան: Հայպետհրատ, 1942.- 88 Էջ:

Մի տենդենցիոզ գրախոսության մասին Մ. Աբեղյանի //Սովետական գրականություն․- 1942.- № 5-6.- Էջ 190-194:

1943

Թշնամու կերպարը հայկական հին բանահյուսության մեջ.- Երևան: Արմֆանի հրատ., 1943.- 46 Էջ:

Հայ քաջորդիներ: [Դիմում հայ ռազմիկներին].- Երևան: ՍՍՌՄ ԳԱ հայկական ֆիլիալ, 1943.- 30 Էջ.- Հայաստանի զավակների հերոսական սխրագործությունները:

Ժողովրդական բանահյուսության տեղն ու դերը Թումանյանի ստեղծագործության մեջ․- Երևան: ՍՍՌՄ ԳԱ հայկ. ֆիլիալ, 1943․- Էջ 9-22․- Առանձնատիպ. ՍՍՌՄ ԳԱ հայկ. ֆիլիալ, 1943 թ. № 3 «Տեղեկագիր»-ից։

Ժողովրդական բանահյուսության տեղն ու դերը Թումանյանի ստեղծագործության մեջ //ՀՍՍՌ ԳԱ Տեղեկագիր հասարակական գիտությունների.- 1943.- № 3.- Էջ 9-22:

Армянские храбрецы: [О героях освободит. войн].- Ереван: Изд-во Арм. филиала АН СССР, 1943.- 24 с.- Боевые подвиги сынов Армении.

1944

Ֆրիկ.- Երևան: ՀՍՍՌ ԳԱ հրատ., 1944.- 43 Էջ.- Հայկական կուլտուրայի ականավոր գործիչները:

Ծրագիր հայկական ֆոլկլորի /Կազմ.՝ Ա. Տ․ Ղանալանյան․- Երևան: Պետ. հեռակա մանկ. ին-տ, 1944․- 10 էջ։

Աբեղյան Մ. Հայոց գրականության պատմություն: Հ. 1: Հայոց հին գրականության պատմություն (Սկզբից մինչև X դար) /Խմբ.՝ Ա. Տ. Ղանալանյան, Խ. Ս. Սարգսյան, Հ. Մամիկոնյան.- Երևան: ՀՍՍՌ ԳԱ հրատ., 1944.- 648 Էջ:

1945

Հայ ժողովրդական բանահյուսություն: Պր. 1։ [Հայ բանագիտությունը].- Երևան: Հեռակա մանկավարժական ինստիտուտ, 1945.- 50 Էջ:

Հայ ժողովրդական բանահյուսություն: Պր. 8։ Ժողովրդական երգեր.- Երևան: Հեռակա մանկավարժական ինստիտուտ, 1945 /շապկ. վրա՝ 1946/.- 57 Էջ:

Ժողովրդական առածները Լենինի գնահատմամբ //Գրական թերթ.- 1945.- Թիվ 12.- 1 մայիսի.- Էջ 2:

Ժողովրդի բանաստեղծը և ժողովրդական բանահյուսությունը (Ավ. Իսահակյանի ծննդյան 70-ամյակի առթիվ) //Գրական թերթ.- 1945.- Թիվ 21.- 30 հուլիսի.- Էջ 3:

Հարազատների երգերը : [Հայրենական պատերազմի շրջանի հայ ժողովրդական բանահյուսության մասին] //Գրական թերթ.- 1945.- Թիվ 6.- 28 փետրվարի.- Էջ 2:

Մանուկ Աբեղյան (Մահվան տարելիցի առթիվ) //Գրական թերթ.- 1945.- Թիվ 28.- 10 հոկտեմբերի.- Էջ 1:

Սովետահայ բանահյուսությունը //Սովետական գրականություն և արվեստ.- 1945.- № 10-11.- Էջ 97-102:

1946

Հայ ժողովրդական բանահյուսություն: Պր. 9։ Առածներ և ասացվածքներ.- Երևան: Հեռակա մանկավարժական ինստիտուտ, 1946.- 36 Էջ:

Հայ ժողովրդական բանահյուսություն: Պր. 11։ Սովետահայ բանահյուսություն.- Երևան: Հեռակա մանկավարժական ինստիտուտ, 1946.- 34 Էջ:

Մ. Աբեղյանն իբրև ֆոլկլորագետ․- Երևան։ ՀՍՍՌ ԳԱԱ հրատ.- Էջ 113-147․- Առանձնատիպ «Գրական-բանասիրական հետախուզումներ» ժողովածուի 1-ին գրքից:

Մ. Աբեղյանն իբրև ֆոլկլորագետ //Գրական-բանասիրական հետախուզումներ.- 1946.- Գիրք 1.- Էջ 111-147:

Ն. Մառը հայ բանահյուսության մասին //ՀՍՍՌ ԳԱ Ն. Մառի անվան լեզվի ինստիտուտ. Աշխատությունների ժողովածու։ Հ. 1.- 1946.- Էջ 153-172:

Աբեղյան Մ. Հայոց գրականության պատմություն : Հ. 2։ Հայոց հին գրականության պատմություն(XI-XIX դարի 30-ական թթ․) /Խմբ.՝ Ա. Տ. Ղանալանյան, Խ. Ս. Սարգսյան, Հ. Մամիկոնյան.- Երևան: ՀՍՍՌ ԳԱ հրատ., 1946.- 599 Էջ:

1947

Սայաթ-Նովայի արվեստի ժողովրդական հնարները.- Երևան։ Պետհամալսարանի հրատ․, 1947․- Էջ 87-102․- Առանձնատիպ Ն. Մառի անվան կաբինետի «Աշխատություններ»ի № 2-ից:

Սայաթ-Նովայի արվեստի ժողովրդական հնարները //Ն. Մառի անվան կաբինետի աշխատություններ.- 1947.- № 2.- Էջ 87-102:

1948

Ժողովրդական բանահյուսության տեղն ու դերը Աբովյանի ստեղծագործության մեջ //Գրական բանասիրական հետախուզումներ.- 1948.- Գիրք 3.- Էջ 113-130:

Խ. Աբովյանի «Վերք Հայաստանի» վեպը և ժողովրդական բանահյուսությունը //Սովետական Հայաստան.- 1948.- № 9.- Էջ 24-27:

Հայ ժողովրդի հերոսական ասքը Լենինի մասին և նրա գրական մշակումները //ՀՍՍՌ ԳԱ Տեղեկագիր հասարակական գիտությունների.- 1948.- № 5.- Էջ 41-50:

1949

Թումանյան Հովհաննես: Երկերի ժողովածու: Հ. 3. Պատմվածքներ և հեքիաթներ. 1890-1920 /Պատր.՝ Ն. Թումանյան, Ա. Ինճիկյան, Ա. Տ. Ղանալանյան.- Երևան: Հայպետհրատ, 1949.- 543 Էջ:

«Կալևալան» և «Սասունցի Դավիթը» (Կարելաֆիննական ժողովրդական էպոս "Կալևալայի" առաջին հրատարակության 100-ամյակը) //Սովետական գրականություն և արվեստ.- 1949.- № 2.- Էջ 62-63:

1950

Թումանյան Հովհաննես: Երկերի ժողովածու: Հ. 1. Բանաստեղծություններ, լեգենդներ, բալլադներ, առակներ. 1881-1922 /Տեքստը և ծանոթագր.՝ Ն. Թումանյան, Ա. Ինճիկյան, Ա. Տ. Ղանալանյան.- Երևան: Հայպետհրատ, 1950.- 788 Էջ:

Հայ ժողովրդական հեքիաթներ /Կազմող, խմբագիր, ներածության հեղինակ՝ Ա. Տ. Ղանալանյան.- Երևան: Հայպետհրատ, 1950.- VII-XXI, 566 էջ:

1951

Թումանյան Հովհաննես: Երկերի ժողովածու: Հ. 4. Քննադատություն և հրապարակախոսություն. 1892-1921 /Տեքստը և ծանոթագրությունը պատրաստեց Ն. Թումանյան, Ա. Ինճիկյան, Ա. Ղանալանյան, Մ. Հյուսյան.- Երևան։ Հայպետհրատ, 1951.- 527 Էջ:

Հայկական առածանի: (Տեքստ և հետազոտություն ժողովրդական առածների ու ասացվածքների).- Երևան: ՀՍՍՌ ԳԱ հրատ., 1951.- 198 Էջ:

1952

Ժողովրդական բանահյուսության մի քանի հարցեր ընկեր Ստալինի լեզվաբանական աշխատությունների լույսի տակ //ՀՍՍՌ ԳԱ Տեղեկագիր հասարակական գիտությունների.- 1952.- № 6.- Էջ 17-30:

Մառականության դեմ ֆոլկլորագիտության մեջ //Գրական թերթ.- 1952.- Թիվ 22.- 17 հունիսի.- Էջ 2:

Ленин и Сталин в армянском народном творчестве: [Песни, стихи, сказы] /Сост. и авт. предисл. А. Т. Ганаланян.- Ереван: Айпетрат, 1952.- 143 с.

1953

Ժողովրդական բանահյուսությունը հասարակական մտքի տարբեր հոսանքների գնահատմամբ //ՀՍՍՌ ԳԱ Տեղեկագիր հասարակական գիտությունների.- 1953.- № 5.- Էջ 29-48:

Ժողովրդական բանահյուսությունը և գեղարվեստական գրականությունը //Գրական թերթ.- 1953.- Թիվ 23.- 20 հունիսի.- Էջ 2:

1954

Ժողովրդական բանահյուսության մի քանի հարցեր.- Երևան: ՀՍՍՌ ԳԱ հրատ., 1954.- 141 Էջ:

Ժողովրդական բանահյուսության դերը Հ. Պարոնյանի երգիծանքի մեջ //ՀՍՍՌ ԳԱ Տեղեկագիր հասարակական գիտությունների.- 1954.- № 3.- Էջ 53-62:

1955

Ավ. Իսահակյանի ստեղծագործության ժողովրդական ակունքները.- Երևան: ՀՍՍՌ ԳԱ հրատ., 1955.- 104 Էջ:

Ինճիկյան Ա. Ավետիք Իսահակյան /Խմբ.՝ Ա. Ղանալանյան.- Երևան: ՀՍՍՌ ԳԱ հրատ., 1955.- 220 էջ․- Գիտա-մասսայական գրադարան. Հասարակական գիտություններ, № 15 Մ. Աբեղյանի կյանքն ու գործունեությունը //Սովետական գրականություն.- 1955.- № 12.- Էջ 126-140:

1956

Հայկական ժողովրդական հեքիաթներ /Խմբ.՝ Ա. Տ. Ղանալանյան.- Երևան: Հայպետհրատ, 1956.- 107 էջ:

1957

Ականավոր հայրենասեր գիտնականը (Ակադեմիկոս Հովսեփ Օրբելու ծննդյան 70-ամյակի առթիվ) //Սովետական Հայաստան.- 1957.- Թիվ 84․- 9 ապրիլի․- Էջ 3:

Հովսեփ Օրբելին և հայկական էպոսը //ՀՍՍՌ ԳԱ Տեղեկագիր հասարակական գիտությունների.- 1957.- № 3.- Էջ 15-24:

1958

Հայկական առածների հնագույն գրավոր սկզբնաղբյուրները //Բանբեր Մատենադարանի.- 1958.- № 4.- Էջ 25-34:

1959

Ականավոր հայագետը: [Մանուկ Աբեղյանի մահվան 15-ամյակի առթիվ] //Պատմաբանասիրական հանդես.- 1959.- № 4.- Էջ 145-152:

Հայ ժողովրդական հեքիաթներ: Հ. I: Այրարատ /Խմբ.՝ Ա. Տ. Ղանալանյան.- Երևան: ՀՍՍՌ ԳԱ հրատ., 1959.- 669 էջ:

Մ. Նալբանդյանը և ժողովրդական բանահյուսությունը //Պատմաբանասիրական հանդես.- 1959.- № 1.- Էջ 71-80:

Մանուկ Աբեղյան (Մահվան 15-ամյակի առթիվ)//Սովետական Հայաստան.- 1959.- Թիվ 226․- 25 սեպտեմբերի․- Էջ 3:

1960

Առածանի: [Տեքստ և հետազոտություն]: 2-րդ հրատ.- Երևան: ՀՍՍՌ ԳԱ հրատ., 1960.- 398 Էջ:

Հարությունյան Ս. Բ. Հայ ժողովրդական հանելուկներ /Խմբ.՝ Ա. Տ. Ղանալանյան.- Երևան: ՀՍՍՌ ԳԱ հրատ., 1960.- 170 էջ:

1961

Ժողովրդական ավանդությունների էությունն ու ժանրային առանձնահատկությունները //Պատմաբանասիրական հանդես.- 1961.- № 1.- Էջ 16-35:

Լենինը ժամանակակից հայ ժողովրդական բանահյուսության մեջ //ՀՍՍՌ ԳԱ Տեղեկագիր հասարակական գիտությունների.- 1961.- № 7.- Էջ 41-54:

Որպեզի լույս տաս՝ պիտի այրվես (Մովսես Խորենացու նոր արձանը) //Սովետական Հայաստան.- 1961.- Թիվ 261․- 12 նոյեմբերի․- Էջ 4:

Սասունցի Դավիթ: Հայկական ժողովրդական էպոս: 2-րդ հրատ. /Կազմ.՝ Մ. Աբեղյան, Գ. Աբով, Ա. Տ. Ղանալանյան.- Երևան: Հայպետհրատ, 1961.- 333 էջ:

1962

Անասյան Հ. Հայկական մատենագիտություն Ե-ԺԸ դդ.։ Հ. 1։ Առաքել Սալաձորեցի․- Երևան: ՀՍՍՌ ԳԱ, 1959.– 1227 էջ:
    Գրախոսություն: Հայ բազմադարյան մշակույթի հանրագիտարանը //Սովետական Հայաստան.- 1962.- Թիվ 18․- 21 հունվարի․- Էջ 4:

Բանասաց Մանուկ Թորոյանը և «Սասունցի Դավիթ» ժողովրդական վեպը //Գրական թերթ.- 1962.- Թիվ 47.- 23 նոյեմբերի.- Էջ 2-3:

Հայ ժողովուրդը հպարտ է իր մեծանուն զավակով (Հովսեփ Օրբելու ծննդյան 75-ամյակի առթիվ) //Սովետական Հայաստան.- 1962.- Թիվ 68․- 20 մարտի․- Էջ 4:

Մեսրոպ Մաշտոցը և հայոց բառ ու բանը //Պատմաբանասիրական հանդես.- 1962.- № 2.- Էջ 55-61:

Մեսրոպ Մաշտոցն ու Սողոմոնի առակները (Մաշտոցի ծննդյան 1600-ամյակի առթիվ) //Բանվոր.- 1962.- Թրվ 123․- 26 մայիսի․- Էջ 3:

1963

«Մեսրոպ Մաշտոց» հոդվածների ժողովածու.- Երևան: Երևանի համալս. հրատ., 1963.- Էջ 327-341․- Մեսրոպ Մաշտոցը հայկական ավանդություններում:

Սայաթ-Նովայի ստեղծագործության ժողովրդական ակունքները.- Երևան: ՀՍՍՌ ԳԱ հրատ., 1963.- 82 Էջ:

Մանուկ Խաչատուրի Աբեղյան: [Կենսամատենագիտություն] /Կազմ.՝ Ռ. Ա. Բաբաջանյան; Խմբ. և ներած. հեղ.՝ Ա. Տ. Ղանալանյան.- Երևան: ՀՍՍՌ ԳԱ հրատ., 1963.- 72 Էջ.- Սովետական Հայաստանի ականավոր գիտնականները; № 8:

Բազմահմուտ սայաթնովագետը: [Մորուս Հասրաթյան] //Գրական թերթ.- 1963.- Թիվ 17.- 26 ապրիլի.- Էջ 4:

Սայաթ-Նովան հայկական ավնդություններում (Ծննդյան 250-ամյակի առթիվ) //Պատմաբանասիրական հանդես.- 1963.- № 3.- Էջ 79-90:

Սայաթ-Նովայի մահվան հարցի շուրջ //Գրական թերթ.- 1963.- Թիվ 22.- 31 մայիսի.- Էջ 3-4:

Սայաթ-Նովայի սիրո լեգենդը (Ծննդյան 250-ամյակի առթիվ) //Գրական թերթ.- 1963.- Թիվ 36.- 6 սեպտեմբերի.- Էջ 3:

Վաստակաշատ հայագետը (Պրոֆ. Կ. Մելիք-Օհանջանյանի ծննդյան 70-ամյակի առթիվ) //Պատմաբանասիրական հանդես.- 1963.- № 2.- Էջ 57-70:

Վաստակավոր հայագետը (Կ. Մելիք-Օհանջանյանի ծննդյան 70 և գործունեության 50-ամյակի առթիվ) //Գրական թերթ.- 1963.- Թիվ 11.- 13 մարտի.- Էջ 6:

1964

Հայ նոր գրականության պատմություն: Հ. 3.- Երևան: ՀՍՍՌ ԳԱ հրատ., 1964.- Էջ 555-588.- Գարեգին Սրվանձտյանց:

Թե ինչո՞ւ Մաշտոցը թարգմանեց Սողոմոնի առակները //Բանբեր Մատենադարանի.- 1964.- № 7.- Էջ 112-123:

6Թումանյան: Ուսումնասիրություններ և հրապարակումներ: Հ. 1.- Երևան- 1964.- Էջ 26-45.- Թումանյանը և ժողովրդական բանահյուսությունը:

Հայկական քարարվեստը մեր ավանդություններում //Սովետական արվեստ.- 1964.- № 7.- Էջ 39-45:

Հայագիտության վիթխարի կաղնին (Մ. Աբեղյանի մահվան 20-ամյակի առթիվ) //Գրական թերթ.- 1964.- Թիվ 39.- 25 սեպտեմբերի.- Էջ 2:

1965

Հարությունյան Ս. Բ. Հայ ժողովրդական հանելուկներ /Խմբ.՝ Ա. Տ. Ղանալանյան.- Երևան: ՀՍՍՌ ԳԱ հրատ., 1965.- Է-ԻԶ, 389 էջ:

Խոշորագույն գիտնականն ու մեծ հայրենասերը (Մ Աբեղյանի ծննդյան 100-ամյակի առթիվ) //Զարթոնք․- Բեյրութ.- 1965.- Թիվ 294․- 15 սեպտեմբերի․- Էջ 2, 4 ; Թիվ ․- 16 սեպտեմբերի․- Էջ 2, 4:

Հայ ժողովրդական հեքիաթները //Պատմաբանասիրական հանդես.- 1965.- № 3.- Էջ 35-48:

Մանուկ Աբեղյան (Ծննդյան 100-ամյակի աթիվ) //Սովետական Հայաստան.- 1965.- № 3.- Էջ 26-27:

Մեծ գիտնականն ու հայրենասերը (Մ. Աբեղյանի ծննդյան 100-ամյակի առթիվ) //Աշխարհ (Փարիզ).- 1965.- 18 սեպտեմբերի.- Էջ 3, 6:

Армянские народные сказки /Сост. и примеч.։ А. Т. Ганаланяна.- Ереван: Айастан, 1965.- XVI, 399 с.

Армянские народные сказки.- Ереван: Айастан, 1965.- С. V-XVI.- Предисловие․

1966

Աբեղյան Մ. Երկեր: Հ. 1։ Հայ վիպական բանահյուսություն .- Երևան: ՀՍՍՀ ԳԱ հրատ., 1966.- Էջ VII-XXIV.- Մանուկ Աբեղյանի կյանքն ու գիտական գործունեությունը:

Աբեղյան Մ. Երկեր: Հ. 1։ Հայ վիպական բանահյուսություն /Խմբ. և ծանոթագր.՝ Ա. Տ. Ղանալանյան.- Երևան: ՀՍՍՀ ԳԱ հրատ., 1966.- XXIV, 571 Էջ:

Հայ բանահյուսության մեծ երախտավորը (Գ. Սրվանձտյանի ծննդյան 125-ամյակի առթիվ) //Պատմաբանասիրական հանդես.- 1966.- № 1.- Էջ 17-32:

Հայ քաջուհիներ (Ըստ պատմաավանդական տվյալների) //Ջահակիր․- Կահիրե․- 1966.- Թիվ 124․- 7 ապրիլի․- Էջ 3, 4:

1967

Աբեղյան Մ. Երկեր: Հ. 2: Հայ քնարական բանահյուսություն /Կազմ. և խմբ.՝ Ա. Տ. Ղանալանյան.- Երևան: ՀՍՍՀ ԳԱ հրատ., 1967.- 387 Էջ:

Ակադեմիկոս Հովսեփ Օրբելու հայագիտական գործունեությունը (Ծննդյան 80-ամյակի առթիվ) /(Ծննդյան 80-ամյակի առթիվ) //Պատմաբանասիրական հանդես.- 1967.- № 1.- Էջ 16-28:

Մեծանուն հայագետը (Ակադեմիկոս Հ. Օրբելու ծննդյան 80-ամյակի առթիվ) //Սովետական Հայաստան.- 1967.- Թիվ 69․- 23 մարտի․- Էջ 3:

Выдающийся арменовед (К 80-летию со дня рождения академика И.А. Орбели) //Комсомолец.- 1967.- 24 марта.

1968

Գրիգոր Նարեկացին հայկական ավանդություններում //Հայրենիքի ձայն.- 1968.- Թիվ 44․- 30 հոկտեմբերի.- Էջ 6-7:

Ժողովրդական ավանդությունների ժանրային առանձնահատկությունների մասին //Բանբեր Երևանի համալսարանի.- 1968.- № 2.- Էջ 73-88:

Խոսք 60-ամյակի (Հաջիե Ջնդիի մասին) //Գրական թերթ.- 1968.- Թիվ 16.- 19 ապրիլի.- Էջ 3:

Հայոց ազգային ավանդությունները //Հայրենիքի ձայն.- 1968.- Թիվ 7․- 14 փետրվարի.- Էջ 4-5:

Մառը և հայագիտության հարցերը.- Երևան: ՀՍՍՀ ԳԱ հրատ., 1968.- Էջ 28-39․- Ն․ Մառը և հայ բանահյուսությունը:

Орбели И. А. Избранные труды: В 2-х т. /Редколл.: А.Т. Ганаланян, Б.Б. Пиотровский и др.- Москва: Наука, 1968․

1969

Ավանդապատում.- Երևան: ՀՍՍՀ ԳԱ հրատ.- 1969.- Ե-ՃՂ, 530 Էջ:

Ավանդություններ: [Զանգեզուրյան] //Հայրենիքի ձայն.- 1969.- Թիվ 57․- 17 դեկտեմբեր.- Էջ 6-7:

Արևելքի ժողովուրդների առածներ և ասացվածքներ /Կազմ., թարգմ.՝ Ս. Ա. Բունիաթյան, Ա. Տ. Ղանալանյան.- Երևան: Հայաստան, 1969.- 144 էջ:

Թումանյանական մանրապատումներ (Ծննդյան 100-ամյակի առթիվ) //Հայրենիքի ձայն.- 1969.- Թիվ 39․- 24 սեպտեմբերի.- Էջ 4-5, 8:

Ժողովրդի բանաստեղծը և ժողովրդական բանարվեստը (Հովհ. Թումանյանի ծննդյան 100-ամյակի առթիվ) //Ավանգարդ.- 1969.- Թիվ 114.- 24 սեպտեմբերի.- Էջ 2:

Լոռվա բանահյուսությունը //Հայրենիքի ձայն.- 1969.- Թիվ 20․- 14 մայիսի.- Էջ 6:

Ջանփոլադյան Մ. Թումանյանը և ժողովրդական էպոսը.- Երևան: Երևանի համալս. հրատ., 1969.- 200 էջ:
    Գրախոսություն: Թումանյանը և ժողովրդական էպոսը //Բանբեր Երևանի համալսարանի.- 1969.- № 3.- Էջ 242-244:

Օհանյան Ա. Լեոյի գեղարվեստական ստեղծագործությունը.- Երևան: ՀՍՍՀ ԳԱ հրատ., 1969.- 161 էջ:
    Գրախոսություն: Արժեքավոր աշխատություն Լեոյի մասին //Գրական թերթ.- 1969.- Թիվ 20.- 16 մայիսի.- Էջ 2:

1970

Կոմիտասը և ժողովրդական երգի բանաստեղծական խոսքը //Լրաբեր հասարակական գիտությունների.- 1970.- № 2.- Էջ 69-76:

Հայ էպոսագիտության մեծ երախտավորը: [Կ. Մելիք-Օհանջանյան] //Գրական թերթ.- 1970.- Թիվ 13.- 27 մարտի.- Էջ 2:

Հարությունյան Ս. Բ. Մանուկ Աբեղյան: Կյանքն ու գործը /Խմբ.՝ Ա. Տ. Ղանալանյան.- Երևան: ՀՍՍՀ ԳԱ հրատ.- 1970.- 668 Էջ:

Սովետահայ բանագիտությունը հիսուն տարում //Պատմաբանասիրական հանդես.- 1970.- № 3.- Էջ 19-32:

Армянские предания: Автореферат д-ра филол. наук.- Ереван, 1970.- 85 с.

1971

Էջեր հայ ժողովրդի պատմության և բանասիրության.- Երևան: ՀՍՍՀ ԳԱ հրատ., 1971.- Էջ 211-227․- Բելինսկու, Դոբրոլյուբովի, Չերնիշևսկու և Նալբանդյանի բանագիտական հայացքների ընդհանրությունը:

Սոցիալական մոտիվները հայ ժողովրդական բանահյուսության մեջ //Լենինյան ուղիով.- 1971.- № 9.- Էջ 27-34:

1972

Խոսք հիշատակի (Պարույր Սևակի մահվան տարելիցը) //Հայրենիքի ձայն.- 1972.- Թիվ 25․- 21 հունիսի.- Էջ 5:

Современная армянская фольклористика //Литературная Армения.- 1972.- № 9.- С. 85-91.

1973

Ականավոր արևելագետը, բանագետն ու հայագետը(Կարապետ Մելիք-Օհանջանյանի ծննդյան 80-ամյակի առթիվ) //Սովետական Հայաստան.- 1973.- Թիվ 45․- 22 փետրվարի․- Էջ 3:

Գիտությունը Հայաստանում 50 տարում.- Երևան: ԳԱԱ հրատ., 1973.- Էջ 110-123․- Բանագիտություն:

«Սասունականի» մեծ կյանքը: («Սասնա ծռերի» գրառման 100-ամյակի առթիվ) //Հայրենիքի ձայն.- 1973.- Թիվ 40․- 3 հոկտեմբերի.- Էջ 5-7:

Ստեփանյան Գ. Կենսագրական բառարան: Հ. 1.- Երևան: Հայաստան, 1973.- 382 էջ:
    Գրախոսություն: Գիրք, որ ապրելու է երկար տարիներ //Երեկոյան Երևան.- 1973.- Թիվ 237․- 8 հոկտեմբերի․- Էջ 3:

1974

Արիստակեսյան Ա. Պարույր Սևակ.- Երևան: ՀՍՍՀ ԳԱ հրատ., 1974.– 447 էջ:
    Գրախոսություն: Պարույր Սևակ //Բանբեր Երևանի համալսարանի.- 1975.- № 3.- Էջ 223-228:

Ժողովուրդը Շնորհալու մասին //Հայրենիքի ձայն.- 1974.- Թիվ 3․- 16 հունվարի․- Էջ 4:

Հայագիտության անխոնջ երախտավորը (Հ. Ս. Անասյանի ծննդյան 70-ամյակի առթիվ) //Լրաբեր հասարակական գիտությունների.- 1974.- № 7.- Էջ 105-107:

Հավատարիմ` ժողովրդի ավանդներին: [Հայկական առած-ասացվածքների մասին] //Հայրենիքի ձայն.- 1974.- Թիվ 1․- 1 հունվարի.- Էջ 7:

Պարույր Սևակ (Ծննդյան 50-ամյակի առթիվ) //Պատմաբանասիրական հանդես.- 1974.- № 1.- Էջ 81-85:

1975

Սահակյան Ա. Շ. «Սասնա ծռերի» պատումների քննական համեմատություն /Խմբ.՝ Ա. Տ. Ղանալանյան.- Երևան: ՀՍՍՀ ԳԱ հրատ., 1975.- 190 էջ:
Ժողովրդական ավանդությունների իսահակյանական մշակումները //Պատմաբանասիրական հանդես.- 1975.- № 4.- Էջ 63-75:

Ժողովրդի բանաստեղծը և ժողովրդական բանարվեստը (Ավ. Իսահակյանի ծննդյան 100-ամյակի առթիվ) //Բանվոր.- 1975.- Թիվ 243․- 15 հոկտեմբերի․- Էջ 3-4:

Հայրենական պատերազմի տարիների հայ բանահյուսությունը //Պատմաբանասիրական հանդես.- 1975.- № 2.- Էջ 43-50:

1976

Հայ մշակույթի նշանավոր գործիչները (V-XVIII դարեր).- Երևան: Երևանի համալս. հրատ., 1976.- Էջ 371-381․- Ֆրիկ:

Հայագիտության նվիրյալը: [Կ. Ղաֆադարյանի մահվան առթիվ] //Հայրենիքի ձայն.- 1976.- Թիվ 44․- 27 հոկտեմբերի.- Էջ 7:

1977

Օհանյան Ա. Վրթանես Փափազյան.- Երևան: ՀՍՍՀ ԳԱ հրատ, 1976.- 474 էջ:
    Գրախոսություն: Արժեքավոր աշխատություն Փափազյանի մասին //Հայրենիքի ձայն.- 1977.- Թիվ 46․- 17 նոյեմբերի.- Էջ 7:

Из архива И. А. Орбели: Топографический и этнографический очерк Мокса //Историко-филологический журнал.- 1977.- № 2.- С. 251-272.

1978

Կարապետ Աղաբեկի Մելիք-Օհանջանյան: Կենսամատենագիտություն.- Երևան: ՀՍՍՀ ԳԱ հրատ., 1978.- 8-38 էջ.- Կյանքի և գիտամանկավարժական գործունեության հանառոտ ակնարկ․- Նյութեր Հայկական ՍՍՀ գիտնականների կենսամատենագիտության №; 23:

Отражение памятников зодчества и камнерезного искусства в армянском фольклоре: [Доклад на II Международном симпозиуме по армянскому искусству].- Ереван: Изд-во АН АрмССР, 1978.- 10 с.

Об очередных «размышлениях» З. М. Буниятова /А. Т. Ганаланян, Л. Хачикян, А. Тер-Гевондян //Вестник общественных наук.- 1978.- № 5.- С. 95-104.

Architektur denkmäler und Steinmetzkunst widergespiegelt in der armenischen Folklore․- Erevan, 1978.- 11 p.

1979

Ճարտարապետության և քարի արվեստագործության արտացոլումը հայ բանահյուսության մեջ //Պատմաբանասիրական հանդես.- 1979.- № 3.- Էջ 62-79:

Սասնա ծռեր: Ժողովրդական վեպ: Գ հատոր /Պատր․՝ Ս. Հարությունյան, Ա. Սահակյան; Խմբ.՝ Ա. Տ. Ղանալանյան.- Երևան: ՀՀ ԳԱ հրատ., 1979.- 582 Էջ:

Հայ նոր գրականության պատմություն: Հ. 5։ 1900-1920 թթ․ /Գրախոս.՝ Ա. Տ. Ղանալանյան, Պ. Հ. Հակոբյան․- Երևան: ՀՍՍՀ ԳԱ հրատ., 1979․- 1014 էջ։

Армянские предания․- Ереван: Изд-во АН АрмССР, 1979.- 355 с.

1980

Հովհաննիսյան Հ. Վ. Թատրոնը միջնադարյան Հայաստանում: Պատմության և տեսության հարցեր.- Երևան: ՀՍՍՀ ԳԱ հրատ., 1978.– 355 Էջ:
    Գրախոսություն: Թատրոնը միջնադարյան Հայաստանում //Պատմաբանասիրական հանդես.- 1980.- № 1.- Էջ 264-267:

Վ. Սարոյանի ստեղծագործության ազգային-բանահյուսական արմատները //Պատմաբանասիրական հանդես.- 1980.- № 3.- Էջ 43-57:

1981

Էդուարդ Թոփչյանի գրական ժառանգությունը //Գարուն.- 1981.- № 2.- Էջ 59-61:

Ռաֆայել Իսրայելյանը ժամանակակիցների հուշերում.- Երևան: ՀՍՍՀ ԳԱ հրատ., 1981.- Էջ 19-41․- Պատառիկներ հուշերից:

1982

Ֆրիկ։ Տաղեր: [Միջնադարյան պոեզիա] /Կազմ. և առաջաբ.՝ Ա. Տ. Ղանալանյան․- Երևան: Սովետական գրող, 1982․- 128 էջ։

Ժողովրդական բանարվեստի արտացոլումը Սայաթ-Նովայի երգերում //Պատմաբանասիրական հանդես.- 1982.- № 1.- Էջ 17-27:

Басни средневековой Армении.- Ереван: Советакан грох, 1982.- С. 5-12․- Иосиф Орбели и басни средневековой Армении.

1983

Армянские народные сказки: Сборник /Сост., предисл., прил. А. Ганаланяна.- Ереван: Советакан грох, 1983.- 320 с, 84 л. ил.

1983

Քսաներեք Նասրեդին/i>: [Երգիծական մանրապատումներ] /Ռուս. թարգմ.՝ Գ. Հայրյան; Խմբ.՝ Վ. Մ. Վարդանյան; Առաջաբ.՝ Ա. Տ․ Ղանալանյան․- Երևան: Հայաստան, 1984․- 496 էջ։

1985

Դրվագներ հայ բանագիտության պատմության.- Երևան: ՀՍՍՀ ԳԱ հրատ., 1985.- 293 Էջ:

Քրդական ժողովրդական առածներ և ասացվածքներ /Գրառում, ներած. և ծանոթագր.՝ Հ. Ջնդի; Պատ. խմբ.՝ Ա. Տ. Ղանալանյան, Մ. Հ. Խանոյան.- Երևան: ՀՍՍՀ ԳԱ հրատ., 1985.- 790 էջ:

1986

Հայ գրականությունը և բանահյուսությունը: [Սայաթ-Նովայից մինչև Վ. Սարոյան].- Երևան: Սովետական գրող, 1986.- 307 էջ:

1999

Սասնա ծռեր: Ժողովրդական վեպ: Դ հատոր /Պատրաստեց՝ Ս. Հարությունյան, Ա. Սահակյան; Պատ. խմբ.՝ Ա. Տ. Ղանալանյան, Ա․ Մ․ Նազինյան.- Երևան: ՀՀ ԳԱԱ "Գիտություն" հրատ., 1999.- 582 Էջ:

2013

Աբեղյան Մանուկ։ Երկեր։ Հտ. Բ։ Հայ քնարական բանահյուսություն /Կազմ. և խմբ.՝ Ա. Տ․ Ղանալանյան․- Երևան: ԵՊՀ հրատ․, 2013․- 386 էջ։