Ռուբեն Վարոսի Զարյանը (Ղազանջյան) ծնվել է 1909 թ. սեպտեմբերի 1-ին, Ալեքսանդրապոլում (ներկայումս` ք. Գյումրի): Վախճանվել է 1994 թ. փետրվարի 2-ին Երևանում։
1929 թ. ավարտել է Թիֆլիսի Ալ. Մյասնիկյանի անվ. մանկավարժական ուսումնարանը:
1929-1932 թթ. Ախալքալաքի մանկավարժական տեխմիկումում հայոց լեզվի և գրականության դասատու:
1933 թ. Թիֆլիսի «Գրոհ» հանդեսի պատասխանատու քարտուղար:
1934 թ. Հայաստանի խորհրդային գրողների միության անդամ:
1936 թ. ավարտել է Երևանի պետական համալսարանի լեզվագրական ֆակուլտետը:
1937-1939 թթ. դասավանդել է Երևանի մանկավարժական ուսումնարանում:
1938-1950 թթ. կրտսեր գիտական աշխատակից ԽՍՀՄ ԳԱ Հայկական մասնաճյուղի գրականության և լեզվի ինստիտուտում:
1938-1947 թթ. Հայպետհրատի գեղարվեստական գրականության բաժնի վարիչ:
1940 թ. շնորհվել է բանասիրական գիտությունների թեկնածուի գիտական աստիճան:
1940-1943 թթ. ԽՍՀՄ ԳԱ Հայկական մասնաճյուղի գրականության և լեզվի ինստիտուտի գիտխորհրդի անդամ:
1941-1943 թթ. «Սովետական գրականություն» ամսագրի պատասխանատու խմբագիր:
1942 թ․ ընտրվել է ԽՄԿԿ անդամ: 1942-1994 թթ. Հայկական թատերական ընկերության (1986 թ.՝ Հայաստանի թատերական գործիչների միության) անդամ:
1943-1994 թթ. Հայաստանի ԳԱԱ Մ. Աբեղյանի անվ. գրականության ինստիտուտի գիտխորհրդի անդամ:
1946 թ․ պարգևատրվել է «1941-1945 թթ․ Հայրենական մեծ պատերազմում քաջարի աշխատանքի համար» շքանշանով:
1948-1958 թթ. Երևանի թատերական ինստիտուտի արվեստի պատմության և տեսության ամբիոնի վարիչ:
1949-1990 թթ. հայ թատրոնի պատմության դասախոս Գեղարվեստա-թատերական ինստիտուտում:
1950-1953 թթ. Հայաստանի ԳԱ արվեստների պատմության և տեսության բաժնի ավագ գիտաշխատող:
1952 թ. Հայկական թատերական ընկերության վարչության անդամ:
1953 թ. պարգևատրվել է «Աշխատանքի արիության համար» շքանշանով՝ երկարամյա ծառայության և անբասիր աշխատանքի համար:
- Գաբրիել Սունդուկյանի անվան թատրոնի գեղարվեստական խորհրդի անդամ:
1953-1958 թթ. Հայաստանի ԳԱ արվեստների տեսության և պատմության բաժնի վարիչ:
1955 թ. «Սովետական արվեստ» ամսագրի խմբագրական կոլեգիայի անդամ:
- պարգևատրվել է «Պատվո նշան» շքանշանով:
1958-1987 թթ. ՀԽՍՀ ԳԱ արվեստի ինստիտուտի դիրեկտոր:
1958-1994 թթ. Գրականության և արվեստի թանգարանի գիտխորհրդի անդամ:
1960-1962 թթ․ Արվեստի ժողովրդական համալսարանի ռեկտոր; Հայկական թատերական ընկերության նախագահության և Գ․ Սունդուկյանի անվան թատրոնի Գեղարվեստական խորհրդի անդամ:
1961 թ. շնորհվել է ՀԽՍՀ արվեստի վաստակավոր գործչի պատվավոր կոչում:
- գիտական գործուղում Ռումինիա:
1962 թ. շնորհվել է արվեստագիտության դոկտորի գիտական աստիճան:
1963 թ. շնորհվել է պրոֆեսորի գիտական կոչում:
1964-1994 թթ. Հայկական թատերական ընկերության նախագահության անդամ:
1964 թ․ ՀՍՍՌ ԳԱ արվեստի ինստիտուտում ստեղծել է Շեքսպիրագիտական գրադարան:
1966 թ. հիմնադրել է Շեքսպիրագիտության հայկական կենտրոն:
1969 թ. պարգևատրվելէ ՀԽՍՀ Գերագույն խորհրդի պատվոգրով:
1970 թ. ընտրվել է Գերմանական շեքսպիրյան ընկերության անդամ (Վայմար, Գերմանիա):
- պարգևատրվել է «Քաջարի աշխատանքի համար ի նշանավորում Վլադիմիր Իլյիչ Լենինի շննդյան 100-ամյակի» հոբելյանական շքանշանով:
1970-1987 թթ. Հայկական խորհրդային հանրագիտարանի խմբագրական կոլեգիայի անդամ:
1974-1981 թթ. ՀԽՍՀ Մինիստրների խորհրդին առընթեր գրականության, արվեստի, ճարտարապետության և քաղաքաշինության ասպարեզում պետական մրցանակների հանձնաժողովի նախագահ:
1974 թ. ընտրվել է Հայաստանի գիտությունների ակադեմիայի թղթակից անդամ:
1975 թ. հայ արվեստին նվիրված միջազգային առաջին սիմպոզիումի պատվիրակության ղեկավար (Բերգամո, Իտալիա):
1977-1987 թթ. ՀԽՍՀ ԳԱ փիլիսոփայության և իրավունքի ինստիտուտի գիտխորհրդի անդամ:
1978 թ. հայ արվեստին նվիրված միջազգային երկրորդ սիմպոզիումի կազմկոմիտեի նախագահի տեղակալ:
1979 թ. պարգևատրվել է «Ժողովուրդների բարեկամության« շքանշանով` ծննդյան 70-ամյակի առթիվ:
- ընտրվել է Հայաստանի ԿԿ քաղաքային կոմիտեի անդամ:
1981 թ. Իտալիայում հայ արվեստի միջազգային երրորդ սիմպոզիումի Հայաստանի պատվիրակության ղեկավարի տեղակալ:
- ՀԽՍՀ պետական մրցանակի դափնեկիր:
- ընտրվելէ Հռոմի «Տիբերինա» ակադեմիայի թղթակից անդամ:
1983 թ. Թբիլիսիում վրաց արվեստի միջազգային չորրորդ սիմպոզիումի հայկական պատվիրակության ղեկավար:
1984-1990 թթ. ղեկավարել է Աբովյանի տուն-թանգարանի գիտական խորհրդի աշխատանքները:
1985 թ. հայ արվեստին նվիրված միջազգային չորրորդ սիմպոզիումի կազմկոմիտեի նախագահի տեղակալ:
1986 թ. ընտրվել է Հայաստանի ԳԱ ակադեմիկոս:
- Հայաստանի ԳԱ արվեստի ինստիտուտի դիրեկցիային կից խորհրդական:
1987 թ. Հայաստանի թատերական գործիչների միության նախագահության անդամ:
1989 թ. պարգևատրվել է Հայաստանի Հանրապետության Գերագույն խորհրդի նախագահության պատվոգրով` ծննդյան 80-ամյակի առթիվ: