Գուրգեն Սերոբի Սահակյանը ծնվել է 1913 թ. սեպտեմբերի 10-ին Անիի շրջանի Սառնաղբյուր գյուղում: Մահացել է 2000 թ. մարտի 26-ին Երևանում։
1930 թ. ավարտել է Սառնաղբյուր գյուղի յոթնամյա դպրոցը:
1933 թ. ավարտել է Լենինականի շինարարական տեխնիկումը:
1933-1934 թթ. Սպիտակի շրջանի Մեծ Պառնի գյուղի միջնակարգ դպրոցի ուսուցիչ:
1939 թ. ավարտել է Երևանի պետական համալսարանի ֆիզիկամաթեմատիկական ֆակուլտետը:
1939, 1946-1949 թթ. ՍՍՀՄ ԳԱ Պ. Ն. Լեբեդևի անվ. Ֆիզիկական ինստիտուտի ասպիրանտ:
1939-1946 թթ. ծառայել է սովետական բանակում: Մասնակցել է Հայրենական մեծ
1941 թ. ընդունվել է ՍՄԿԿ շարքերը:
1945 թ. պարգևատրվել է Կարմիր աստղի շքանշանով:
1950 թ. շնորհվել է ֆիզիկամաթեմատիկական գիտությունների թեկնածուի գիտական աստիճան:
1950 -2000թթ. աշխատել է Երևանի պետական համալսարանում (1950-1951 թթ. ավագ դասախոս, 1967-1972 թթ. ֆիզիկայի ֆակուլտետի դեկան, 1951-1985 թթ. տեսական ֆիզիկայի ամբիոնի վարիչ, 1985-2000 թթ.` նույն ամբիոնի պրոֆեսոր):
1950-1960 թթ. Հայկական ՍՍՀ ԳԱ ֆիզիկայի ինստիտուտի ավագ գիտական աշխատակից:
1960-1966 թթ. Հայկական ՍՍՀ ԳԱ կենտրոնական գիտահետազոտական ֆիզիկատեխնիկական լաբորատորիայի ավագ գիտական աշխատակից, 1966 թ.` տնօրեն:
1961-1968 թթ. Հայկական ՍՍՀ ԳԱ Բյուրականի աստղադիտարանի ավագ գիտական աշխատակից:
1963 թ. շնորհվել է ֆիզիկամաթեմատիկական գիտությունների դոկտորի գիտական աստիճան:
1964 թ. շնորհվել է պրոֆեսորի գիտական կոչում:
1965 թ. ընտրվել է Հայկական ՍՍՀ ԳԱ թղթակից անդամ:
− Սովետական գրավիտացիոն II կոնֆերանսի մասնակից (Թբիլիսի):
1968 թ. գրավիտացիայի և հարաբերականության տեսության միջազգային V կոնֆերանսի մասնակից (Թբիլիսի):
1970 թ. շնորհվել է Հայկական ՍՍՀ գիտության վաստակավոր գործչի պատվավոր կոչում:
− Պարգևատրվել է «Աշխատանքային արիության համար` ի նշանավորումն Վ. Ի. Լենինի ծննդյան 100-ամյակի» մեդալով:
1970-2000 թթ. Հայկական ՍՍՀ բարձրագույն և միջնակարգ մասնագիտական կրթության մինիստրության գիտատեխնիկական խորհրդի գրավիտացիայի սեկցիայի անդամ:
1972 թ. Սովետական գրավիտացիոն III կոնֆերանսի մասնակից (Երևան):
1973-2000 թթ. Հայկական սովետական հանրագիտարանի ֆիզիկայի գիտաճյուղային խորհրդի նախագահ:
1974 թ. միջազգային աստղաֆիզիկական խորհրդի` Կոպերնիկոսի ծննդյան 500-ամյակին նվիրված համագումարի մասնակից (Վարշավա):
1976 թ. պարգևատրվել է Հայկական ՍՍՀ ԳԱ “Վաստակագրով”` գիտության զարգացման բնագավառում ունեցած վաստակի համար:
− Սովետական գրավիտացիոն IV կոնֆերանսի մասնակից (Մինսկ):
1977 թ. պարգևատրվել է Հայկական ՍՍՀ բարձրագույն և միջնակարգ մասնագիտական կրթության մինիստրության և բարձրագույն դպրոցի աշխատողների արհմիության պատվոգրով:
− Գրավիտացիայի և հարաբերականության տեսության միջազգային VIII կոնֆերանսի մասնակից (Կանադա, Վաթերլոո):
1980 թ. գրավիտացիայի և հարաբերականության տեսության միջազգային IX կոնֆերանսի մասնակից (ԳԴՀ, Յենա):
− Երկնային գերխիտ մարմինների տեսության համամիութենական գիտաժողովի կազմակերպիչ (Երևան):
1981 թ. պարգևատրվել է ժողովուրդների բարեկամության շքանշանով:
− Սովետական գրավիտացիոն V կոնֆերանսի մասնակից (Մոսկվա):
1982 թ. ընտրվել է Հայկական ՍՍՀ ԳԱ իսկական անդամ:
1983 թ. պարգևատրվել է Հայկական ՍՍՀ Գերագույն սովետի նախագահության պատվոգրով` ծննդյան 70-ամյակի կապակցությամբ:
1984 թ. սովետական գրավիտացիոն VI կոնֆերանսի մասնակից (Մոսկվա):
1985 թ. պարգևատրվել է Հայրենական պատերազմի 2-րդ աստիճանի շքանշանով:
1986 թ. գրավիտացիայի և հարաբերականության տեսության XI միջազգային կոնֆերանսի մասնակից (Շվեդիա, Ստոկհոլմ):
− Պարգևատրվել է Լենինի շքանշանով: