Արմեն Լեոնի Թախտաջյանը ծնվել է 1910 թ. հունիսի 10-ին Շուշիում: Վախճանվել է 2009 թ. նոյեմբերի 13-ին Սանկտ Պետերբուրգում:
1918 թ. ընտանիքը տեղափոխվել է Թիֆլիս։
1928 թ․ ավարտել է դպրոցը Թիֆլիսում:
1928-1931 թթ. սովորել է ԵՊՀ կենսաբանության ֆակուլտետում:
1931- 1932 թթ․ ուսանել է Թբիլիսիի մերձարևադարձային կուլտուրաների համամիութենական ինստիտուտում:
1932 թ. լաբորանտ Կիրառական բուսաբանության և նոր մշակաբույսերի համամիութենական ինստիտուտի Սուխումի մերձարևադարձային բաժանմունքում։
1932–1935 թթ. եղել է Հայաստանի բնապատմական թանգարանի գիտաշխատող։
1935–1943 թթ.՝ ԽՍՀՄ ԳԱ հայկական մասնաճյուղի կենսաբանության ինստիտուտի ավագ գիտաշխատող։
1938թ. թեկնածուական ատենախոսության պաշտպանություն։
1938–1948 թթ.՝ ԵՊՀ մորֆոլոգիայի և կարգաբանության ամբիոնի վարիչ:
1943 թ. պաշտպանել է դոկտորական ատենախոսություն:
1943 թ. ՀԽՍՀ ԳԱ բուսաբանության ինստիտուտի էվոլյուցիոն մորֆոլոգիայի և հնէաբանության բաժնի վարիչ:
1943–1948 թթ. դարձել է Հայաստանի ԳԱ բուսաբանության ինստիտուտի հիմնադիրն ու առաջին տնօրեն:
1944 թ. շնորհվել է պրոֆեսորի կոչում:
1945 թ. ընտրվել է ՀԽՍՀ ԳԱ թղթակից անդամ:
1946-1948թթ. Հայկական աշխարհագրական ընկերության նախագահ։
1947 թ. պարգևատրվել է ՀԽՍՀ Գերագույն խորհրդի պատվոգրով:
1949–1961 թթ. Լենինգրադի (այժմ՝ Սանկտ Պետերբուրգ) պետական համալսարանի բարձրակարգ բույսերի ամբիոնի պրոֆեսոր:
1951–1954 թթ. Լենինգրադի (այժմ՝ Սանկտ Պետերբուրգ) պետական համալսարանի կենսաբանության և հողագիտության ֆակուլտետի դեկան:
1954–1962 թթ. ԽՍՀՄ ԳԱ Լենինգրադի Վ. Կոմարովի անվան բուսաբանության ինստիտուտի Հնէաբուսաբանության բաժնի վարիչ:
1958 թ․ պարգևատրվել է «Լենինգրադի 250-ամյակի հիշատակին» շքանշանով:
1958-1963 թթ․ «Палеонтологический журнал» ամսագրի խմբագրակազմի անդամ:
1963-1976 թթ․ ԽՍՀՄ ԳԱ Լենինգրադի Վ. Կոմարովի անվան բուսաբանության ինստիտուտի բարձրակարգ բույսերի բաժին:
1966 թ. ընտրվել է ԽՍՀՄ ԳԱ թղթակից անդամ:
1967 թ. արժանացել է ՀԽՍՀ գիտության վաստակավոր գործչի կոչումին:
1968 թ. ընտրվել է Լոնդոնի Լիննեյյան ընկերության անդամ։
1969 թ․ Վ. Կոմարովի և Ռ. Ալերտոնի անվան մրցանակների դափնեկիր։
1970-1975 թթ. XII միջազգային բուսաբանական կոնգրեսի կազմկոմիտեի նախագահ։
1971 թ. ընտրվել է ՀԽՍՀ ԳԱ ակադեմիկոս:
- ընտրվել է ԱՄՆ-ի, Ֆինլանդիայի, Լեհաստանի, Նորվեգիայի Ազգային ԳԱ անդամ։
- ընտրվել է Ամերիկյան, Բուլղարիայի, Լեհաստանի, Էդինբուրգյան բուսաբանական ընկերությունների անդամ։
1972 թ. ընտրվել է ԽՍՀՄ ԳԱ ակադեմիկոս:
- ընտրվել է Գերմանական բնագետների «Լեոպոլդինա» ակադեմիայի անդամ։
- ընտրվել է Հնդկաստանի Պալեոբուսաբանական ընկերության անդամ։
1973-2009 թթ. Համամիութենական բուսաբանական ընկերության նախագահ։
1975 թ. պարգևատրվել է Աշխատանքային կարմիր դրոշի շքանշանով:
1975 թ․ բույսերի տաքսոնոմիայի Միջազգային ասոցիացիայի նախագահ:
1975 թ. Լենինգրադում կայացած XII միջազգային բուսաբանական կոնգրեսի նախագահ։
1977–1986 թթ. ԽՍՀՄ ԳԱ Լենինգրադի Վ. Կոմարովի անվան բուսաբանության ինստիտուտի բարձրակարգ բույսերի ֆլորայի, կարգաբանության և էվոլյուցիայի բաժնի վարիչ, ապա նաև նույն ինստիտուտի տնօրեն:
1986-2009 թթ․ ԽՍՀՄ ԳԱ Լենինգրադի Վ. Կոմարովի անվան բուսաբանության ինստիտուտի տնօրինության խորհրդական:
1981 թ. արժանացել է ԽՍՀՄ պետական մրցանակի:
1990 թ. արժանացել է «Սոցիալիստական աշխատանքի հերոս» կոչմանը։
- արժանացել է Ալլերտոնի անվան մրցանակի:
1997 թ․ արժանացել է Հենրի Շոույի անվան մրցանակի:
2000 թ․ Հայաստանում արժանացել է «Մեսրոպ Մաշտոց» շքանշանի։
2009 թ. պարգևատրվել է Սուրբ Մեսրոպ Մաշտոցի շքանշանով:
2022 թ․ Երևանի Այգեստանի 7-րդ փողոցը անվանակոչվել է Արմեն Թախտաջյանի անունով:
2023 թ․ Երևանի բուսաբանական այգու տարածքում տեղադրվել է Արմեն Թախտաջյանի կիսանդրին։