Հիմնադրվել է Պողոս Թաթիկյանի կողմից 1830-ական թվականների վերջին: 1840 թվականից նրա գործը շարունակել է եղբայրը՝ Պետրոսը, ով ընդարձակել է տպարանի գործունեությունը՝ ընդգրկելով օտար լեզուներով գրքերի հրատարակումը: Տպարանը զերծ է եղել հոգևոր, բարոյական, ազգապահպան նկրտումներից, ունեցել է ավելի շատ առևտրական կամ շահութաբերուղղվածություն, ուշադրությունը կենտրոնացրել է օտար լեզուներով գրքերի հրատարակության վրա: 1864 թ. Այս հաստատությանը կցվել է մեկ այլ բաժին՝ տպագրական աշխատանքների խթանման համար, որը շարունակում է գործել առ այսօր Թաթիկյանների ազգականների ջանքերով: Հանդիսացել է Իզմիրի առավել գործունյա տպարաններից մեկը: Օտարալեզու հրատարակություններից հատկանշական է Ոսկանյանի ‘’La Reforme’’ հանդեսի հրատարակությունը՝ սկսած 1869-1901թթ.: Տպագրվել են նաև «Ծրագիր ուսմանց Զմիւռնիոյ վիճակին» (1892), «Տեղեկագիր հայ ընթերցատան» (1894-1895) և այլն: